Ibriko 10:25 - সান্তালী বাইবেল

²⁵ Adom adom hoṛakʼ mitʼ ṭhecʼ jarwakʼ reakʼ cetʼleka hewa menakʼtako, onka leka jarwakʼ do alo bon bạgi ma, bickom Mạsiyakʼ hijukʼ din hạbicʼ mimitʼko jemon arhõ bon udgạuko.

Santali Common Language New Testament

²⁵ Adom adom hoṛakʼ mitʼ ṭhecʼ jarwakʼ reakʼ cetʼleka heowa menakʼtako, onka leka jarwakʼ do alo bon bạgi ma, bickom Mạsiakʼ hijukʼ din hạbicʼ mimitʼko jemon arhõ bon udgạuko.

Ibriko 10:25 Referans Kwoze

Aposkạmi 2:42

Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Mathae 18:20

ente okare bar se pe hoṛ iń ńutumteko jarwakʼa, onḍege iń do onko talareń tahena.”

1 Thessalonikikko 5:11

Onate ńitokʼ okape cekayetʼkan onkage mimitʼko udgạu emakope ar ape mimitʼko benao rakabokʼpe.

Ibriko 3:13

Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

Ibriko 10:24

Dela, mimitʼko reaṅ bon dạndikʼma jemon dulạṛ ar bhage kạmi lạgitʼ mimitʼko uskur bon emako.

1 Korinthiko 5:4

Ińakʼ bicạr do noage, aboren Probhu Jisu ńutumte mitʼ ṭhenpe jarwakʼre iń hõ Jiu secʼte ape tulucʼ iń tahena ar Probhu Jisuakʼ daṛe do abo cetanre tahena,

1 Thessalonikikko 4:18

Ona iạte noako kathate ape apere jiwi raṛejtape.

Aposkạmi 2:1

Niạ thoṛa din tayom Pentekosṭ porob reakʼ dinre celako do mitʼ ṭhenko jarwa mitʼakan tahẽkana.

Aposkạmi 20:7

Ado hapta reakʼ pạhil din Probhu Isorakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

1 Korinthiko 14:3

Menkhan nạbi lekate katha roroṛicʼ do manwako ṭhen nonkan kathae roṛa one okaṭakʼteye benao rakapʼko, are udgạuko ar jiwi raṛecʼe danako.

Romiko lạgitʼ Pạul Apostolakʼ ciṭhi 12:8

okoe sikhạu paṛhao reakʼ daṛeye ńamakatʼ uni doe sikhạu paṛhaokoma; okoe eṭakʼko danako reakʼ daṛeye ńamakatʼ, uni do soṛa monteye emokʼma; okoe mukhiyạ hoyokʼ reakʼ daṛeye ńamakatʼ uni do jidkateye calaoma; ar okoe eṭakʼko goṛowako lạgitʼ daṛeye ńamakatʼ uni do kharsala monteye goṛowakoma.

Philipiko lạgitʼ Pạul apostolakʼ ciṭhi 4:5

Apeakʼ mạ̃hirtetʼ do sanamko ṭhen baḍaeyokʼma. Probhu Isor do usạrageye daraekana.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

Jakob 5:8

Ape hõ onkage sombhuripe ar ontorre teṅgo ṭak akae tahenpe, ente Probhu Isor do ạḍi usạrageye hijukʼ kana.

1 Korinthiko 14:23

Manḍerren sanam hoṛ mitʼ ṭhen jarwakate jotoko eṭakʼ eṭakʼ pạrsite katha roroṛpe ehopʼlen khan ar manḍer bahreren hoṛko ar bin pạtiạuko bhitriteko bololen khan, enḍekhan onko do cetʼ pagla mente bako metapea?

Jihudạwakʼ ciṭhi 1:19

Noko hoṛ do dola duliko hoeocoya ar akoakʼ sana lekako calakʼa. Onkoakʼ ontorre sonot Jiu do bạnugicʼan.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

2 Patras 3:11

Sanamakʼge nonka marao lạgidokʼkan khan enḍekhan cetʼ lekanko hoyokʼ lektapea? Ape do gagojokʼ tulucʼ Isorakʼ din koyokʼ horre tahente sonot ar Isor bhoktite jion khemao lektapea.

1 Korinthiko 11:20

Manḍer lekate mitʼ jaegare jarwakate okaṭakʼpe jometʼkan ona do Probhuakʼ bhoj do baṅkana,

1 Korinthiko 3:13

enḍekhan okoe oka lekae kạmi akatʼ ona do mońjte ńelokʼtaea. Ar bicạr dinre sodorokʼa, ente ona din reakʼ sodorokʼ do seṅgel talatege hoyokʼa. Ar okoeyakʼ kạmi oka lekan ona do seṅgelgeye biḍạu aṭkara.

Aposkạmi 16:16

Mitʼ din ona koejoṅ jaegatele calakʼkan tahẽkanre mitʼṭen kạ̃ṛmĩ sãotele ńapamena. Uni do mitʼṭen bạṛicʼ jiue ńamakawan tahẽkante darakan dinko reakʼ sanamakʼe lại daṛeakʼkan tahẽkana. Onate acʼren kisạ̃ṛakʼ do ạḍi lab hoyokʼkantae tahẽkana.

Mathae 10:15

Sạrigeń metapekana, bicạr dinre ona nagraha reakʼ khon Sodom ar Gomora reakʼge boroṅ ḍher sahaokʼa.

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Ibriko 10:37

ente Isorakʼ katha leka, “Okoeyakʼ hijukʼ reakʼ katha menakʼtae uni do ar thoṛa din khangeye hijukʼa, ar bae biloma.

Ibriko 13:22

E boehako, ape ṭhen ińakʼ bạ̃ṛti nehõr do noage je, ińakʼ noa sikhạuna kathako baṛe bataotińpe. Ar ape ṭhen bạ̃ṛti katha do bạń oletʼkana.