Ibriko 10:22 - সান্তালী বাইবেল

²² Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Santali Common Language New Testament

²² Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭạukate sapha ocoakana ar phạriạ dakʼte hoṛmo do um sapha akan tabona.

Ibriko 10:22 Referans Kwoze

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Johan 3:5

Jisui menkeda, “Sạrigeń metamkana, dakʼ ar sonot Jiu khon bae janamlen khan okoe hõ Isorakʼ rajte ohoe bolo daṛelena.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Ephesiko lạgitʼ Pạul Apostolakʼ ciṭhi 5:26

Mạsiyakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭecʼ ṭhonokanakʼ manḍerre samaṅ daṛeakʼ. Unre manḍerre bin dagan, se bin digdhạ se onkan jãhãnakʼge baṅ tahena, bickom ona do sonot ar niphuṭge hoyokʼa.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

Sereńko 73:28

Menkhan Isor tulucʼ iń tahen do bhạlạige; Probhu Isor do ińakʼ aotan gaṛiń hoyoco akadea, jemon uniyakʼ sanam kạmi reakʼ kathań porcar daṛeakʼ.

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼkana, jemon Jisu Mạsi gobolrepe tahen ar uniyakʼ mãyãm reakʼ chiṭiạu hotetepe sapha ocokʼ. Isor do ạḍi daya ar suluke danape ma.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Ibriko 9:19

Joto hoṛko ṭhen ạn-ạriko reakʼ mimitʼ hukum lại saḍe tayom Mose do pheṭãṛ ar meromkoakʼ mãyãme hataokeda ar ona sãote dakʼ mesalkate jeṅgetʼ arakʼ bheḍawakʼ upʼ ar husopʼ dạrte ona ạn-ạriko reakʼ puthire ar hoṛko cetanre onaye chiṭiạukeda.

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Jeheskel 16:9

Iń doń umketʼmea ar am khon mãyãmiń ạrupʼ giḍikada ar hoṛmore sunumiń ojokʼatʼmea.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Levitikus 8:6

Ar noa katha menkate uni do Aron ar uniren hoponkoe ạguketʼkoa are ḍạbrạ sapha ocoketʼkoa.

Jakob 1:6

Menkhan uni hoṛ do begor digdhạte pạtiạukʼ salakʼ koejoṅ hoyokʼtaea, ente okoeye digdhạkʼ uni do hoete sokojokʼkan jalapuri reakʼ ḍheoko lekanae; hoege uni doe ṭhelao idiyea.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Sereńko 119:7

Amakʼ dhoromte perecʼ ạn ạri reakʼ sikhạunate khạṭi ontorte amiń sarhaomea.

Sereńko 51:10

E Isor, amge ińre khạṭi ontor sirjạume; ar ińakʼ mon baṛe nãwã aroytińme.

Numeri 8:7

Onko do nonka lekam saphakoa: onko cetanre saphakʼ reakʼ dakʼem irciyakoa. Ar ona tayom do holatʼte goṭa hoṛmoko hoyo saphakʼa ar kicricʼko saphaetakoa.

Levitikus 14:7

Ar naeke do murhucʼjom rog khone sapha ocokʼkan hoṛ eae dhao mãyãme irciwaea ar sapha akanae menteye lại sodorea. Ar uni jiwetʼicʼ cẽṛẽ do ṭạnḍi secʼe aṛakʼgotʼkaea.

Ibriko 11:28

Uni do biswạs iạtege bańcaokʼ porob ar mãyãm chiṭiạu reakʼ niạme manaoleda, jemon nonosṭoyicʼ goḍet do pạhil janamkoe gocʼlekore Israelrenko jemon aloe joṭetʼko.

Ibriko 10:19

Ado E boehako, Jisu Mạsiyakʼ mãyãm gunạkʼte ona sonot utạrakʼ jaegare bolokʼ reakʼ dil do menakʼ getabona.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Exodus 29:4

Ona tayom Aron ar uniren hoponko do ńapamokʼ tạmbu reakʼ duạr ṭhenem idikoa ar dakʼtem ạbuk saphakoa.

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

1Timothi 4:2

Bibek goṛdho akan nonkan eṛe hoṛkoakʼ phạsiạrate nonka do hoyokʼa.

Jirimiạ 30:21

Onkoren mukhiyạ do onkoren mitʼ hoṛe hoyokʼtakoa; onko tala khonge ḍanṭaoicʼe rakabokʼa. Iń do uniń hohoaea ar uni do iń ṭhene hijukʼa, ente bạń hohoae khan uni do cetʼ dil salakʼ iń ṭhene hecʼdaṛeakʼa?

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

Sereńko 119:145

Ińakʼ goṭa ontorteń hohowam kana; E Probhu Isor, roṛ ruạṛạńme. Amakʼ sanam ạnkoń manaoa.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Ephesiko lạgitʼ Pạul Apostolakʼ ciṭhi 6:5

E golamko, ape do Mạsirepe gobol akante botor ar manot seletʼ ontor khon niạ dhạrtiren kisạ̃ṛkoakʼ batao takope.

Aposkạmi 8:21

Ạlińakʼ noa kạmire amakʼ bakhra se ạidạri do bạnukʼtama, ente Isor samaṅre amakʼ ontor do baṅ sojhetama.

Johan 8:9

Noa katha ańjomkate onko mukhiyạko modre haṛam khon ehopʼkate mitʼ mitʼte jotoko calao cabayena. Eken Jisu eskargeye sarecʼ tahẽyena, ar acʼ samaṅre do uni maejiuge teṅgo akan.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Sereńko 119:69

Bạḍạiko do eṛeakʼte ińko esetʼ ạcur akadińạ menkhan iń do mon muruk kate amakʼ ạn ạrikoń senakʼkana.

Sereńko 119:58

Iń do mon murukkate amakʼ dayań khojokʼ kana; amakʼ katha leka ińre baṛe dayakʼme.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

Sereńko 111:1

Probhu Isorakʼge sarhao hoyokʼtae ma. Iń do ińakʼ goṭa jiwite gun maniń joharae kana, gun manao johariń emaea Isor botoraekanko talare, gun manao johariń emaea jarwa akan hoṛko talare.

Sereńko 94:15

Bicạr do dhorom ruạṛokʼa; ar sanam sojhe monan hoṛ do onako pańjaya.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Sereńko 32:11

E Isor botoraekan hoṛko, Probhu Isorge aperen rạskạwạnicʼe hoyokʼma, uni iạtege ape do kusikʼpe; ar ontorre okoepe khạṭige, ape sanamkoge hulạsate sereńpe.

Sereńko 9:1

E Probhu Isor, ińakʼ goṭa ontorte amiń gun manao joharam kana ar amakʼ joto hahaṛa kạmi reakʼ kathań lại sodora.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

1 Bõsbudạ 12:33

Sebulon gusṭiren do mõṛẽgel hajar gạkhuṛ lạṛhại phạdko tahẽkana. Onko do joto lekan khanḍa bhanḍawanteko lạṛhại daṛeakʼkan tahẽkana. Onko do ạḍi pạtiạr salakʼ Dạudko goṛowade tahẽkana.

1 Rapajko 15:3

Abiamren apattetʼ okakoe kạiletʼ uni hõ onako kạmigeye ehopʼena. Uniren hapṛam Dạud leka uniyakʼ ontor do Probhu Isor secʼ purạte do baṅ tahẽkantaea.

Levitikus 16:4

Uni do mĩhĩ musnạ kicricʼ reakʼ sonot kicricʼe horoga ar bhitrire hõ mĩhĩ musnạ kicricʼ reakʼ huḍiń kicricʼe horoga. Ar mĩhĩ musnạ reakʼ paṭheyakʼte ḍanḍae paṭhekʼa ar bohokʼ do mĩhĩ musnạ kicricʼteye dạhṛikʼa. Noa do sonotakʼ kicricʼko kana. Ar noa horog lahare uni doe ḍạbrạ saphakʼa.

Luk 1:1

Manotan Thiophil, aboko talare okako ghoṭna hoylen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.

Aposkạmi 22:16

Am do ńitokʼ cedakʼem bilomeda? Ma beredokʼte bạptis ocokʼme ar uniyakʼ ńutum dohayakʼme ar amakʼ joto kạiko ạrupʼ saphaetam.’

Ibriko 6:11

Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.

Ibriko 10:1

Ạn-ạrikore menakʼakʼko do darakan sanam bhageakʼko reaṅ umulkana; onare sạriyakʼ reakʼ maraṅteakʼko do bạnukʼa. Onate okoe Isor sewa lạgitʼko hijukʼkan onko do ạn-ạrikote tishõ bochor ke bochor mitʼ lekan janwar dãṛẽte ohoe sạbit oco daṛelekoa.