Ibriko 1:8 - সান্তালী বাইবেল

⁸ Menkhan Hopontetʼ reaṅ doe meneda, “E Isor, amakʼ siṅghạson do jug cetan jugge; ar amakʼ ḍanṭao do hok reakʼ ḍanṭaokangea.

Santali Common Language New Testament

⁸ Menkhan Hopontetʼ reaṅ doe meneda, “E Isor, amakʼ siṅghạson do jug cetan jugge; ar amakʼ ḍanṭao do hok reakʼ ḍanṭaokangea.

Ibriko 1:8 Referans Kwoze

Johan 10:30

“Iń ar Baba doliń mitʼgea.”

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Sereńko 145:13

Amakʼ rajosṭi do jaejug reakʼ rajosṭi kana; amakʼ ḍanṭao do piṛhi cetan piṛhige.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

1 Korinthiko 15:25

Isor do tin hạbicʼ Mạsiren sanam bạiriko uniyakʼ jaṅga latarre bae dohoko un hạbicʼ Mạsi doe rajokʼa.

Johan 20:28

Unre Thomae menkeda, “E ińren Probhu, E ińren Isor.”

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Dosar Biboron 2:37

Eken Amonrenkoakʼ jaega, Jabok gaḍa aṛe reakʼ jaega, buru tala reakʼ jaega ar eṭakʼakʼ okako jaega senokʼe manaletʼ bon tahẽkan, onako jaega do ape hõ bape senlena.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jirimiạ 38:15

Unre Jirimiạ do Sedekiại metadea, “Amiń lạiyam khan do ińem gojeńa. Ar solhań emam khan hõ ińakʼ katha do bam ańjomtińạ.”

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Sereńko 72:7

Uniyakʼ rajokʼre Isor botoraeko do bạ̃ṛti bhor jemonko ńam; ar tinạkʼ din ńindạ candoe tahen unạkʼ din onkoakʼ jion do bhạlạiyte perejokʼ takoma.

Dosar Biboron 7:14

Ape do eṭakʼ hoṛko khon ḍher bhorpe ńama. Aperen okoe hõ bạńjhi do bako tahena ar aperen ạsul janwarko hõ bańjhi do bako tahena.

2 Patras 1:11

Noa iạte aboren Probhu ar babańcaoicʼ Jisu Mạsiyakʼ jaejug rajosṭire jid salakʼpe ataṅ ocokʼa.