Ibriko 1:14 - সান্তালী বাইবেল

¹⁴ Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Santali Common Language New Testament

¹⁴ Serma goḍetko do cetʼ sanamkoge sapʼ sosor Jiuko doko baṅkana? Okoe kại khon bańcaoko ńam onko sapʼ sorako lạgitʼge coṅ onko mako kol ocoakan.

Ibriko 1:14 Referans Kwoze

Sereńko 34:7

Okoe do Probhu Isorko botorae kan Probhu Isorren goḍet do onko beṛhaeteye ḍerakʼkana ar onkoe rukhiyạyetʼkoa.

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Aposkạmi 5:19

Menkhan ńindạ jokhecʼ Probhu Isorren mitʼṭen goḍet do hajot reakʼ silpińkoe jhicʼkeda ar bahrete oḍok ạguketʼkoteye metatʼkoa,

Aposkạmi 12:7

Unre Probhu Isorren mitʼṭen goḍet do ackage hecʼkate onḍeye teṅgoyena. Onate hajot oṛakʼ reakʼ ona kandhare marsal bamberena. Serma goḍet do Patras kokhare ceṭakʼkedeteye ebhenkedea are metadea, “Usạra beretʼ hodokʼme.” Ar inạtege Patrasakʼ banar ti khon sikṛi do ńurgotʼena.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniyakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Luk 16:22

“Mitʼ din uni kokoe hoṛ doe gocʼena. Ar serma goḍetko hecʼkate Abraham ṭhenko idikedea. Ona tayom uni kisạ̃ṛ hoṛ hõe gocʼena arko topakadea.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Luk 2:9

Unre ackage Probhu Isorren mitʼṭen serma goḍet do onko samaṅreye teṅgoyena. Ar uniyakʼ ṭhonok do onko beṛhaete bamberena. Onate gupiko do ạḍiko botorena.

Luk 2:13

Ar ackage uni serma goḍet soṅgete arhõ aema goḍetko ńelena. Onko do Isor sarhaoate memenko ehopʼena,

Sereńko 104:4

Hoe do amren goḍetem benao akadea; ar jolokʼkan seṅgel do amren golamem hoyocoakadea;

Mathae 2:13

Gonok ponḍetkoko calaoen khan Probhu Isorren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahẽ hataṛokʼme, ente Herod do gidrạ goje iạteye sendra lạgidokʼ kana.”

Titus lạgitʼ Pạul Apostolakʼ ciṭhi 3:7

Jemon jaejug jion reakʼ aste Isorakʼ sanamakʼren ạidạriko bon hoyokʼ. Noa do eken Isorakʼ dayate dhorom mentebon lekha ocoakana.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Jihudạwakʼ ciṭhi 1:14

Adam bõsren eaeyicʼ metakʼme Enok hõ noko hoṛko reaṅ nạbiletʼteye menleda, “Ńelepe, Probhu Isor do acʼren hajar hajar sonot goḍetkoante sanamko bicạrko lạgitʼe hijukʼkana,

1 Patras 1:4

metakʼme darakan dinkore nonkan mitʼṭecʼ dhon ńam reakʼ as bon ńam akada one ona do tishõ baṅ nosṭokʼ, onare bạṛicʼakʼ cetʼge baṅ tahena, ona do jaejug hạbicʼ nãwãge tahena. Ar noa dhon do sermare ape lạgitʼ doho jogao akana.

Ibriko 6:17

Isor oka emokʼ lạgitʼe gokʼletʼ, ar okoe onako ńam, onko do noa kiriạ hotete ạḍi pusṭạute udukʼakoe menleda je, uni okaṭakʼe ṭhik akatʼ ona do ar baṅ bodolokʼa. Onate uni do kiriạ hoteteye sạbudkeda okae ṭhik dohoakatʼ ona do hoyokʼgea mente.

2 Thessalonikiko 1:7

ar ape okoe dukpe ńametʼ uni do ale sãoteye aosanpea. Probhu Jisu do tinre acʼren daṛean serma goḍetko sãote jolokʼkan seṅgelre serma khone sodorokʼa unrege noako do hoyokʼa. Okoe Isor bako baḍae akade ar Probhu Jisu reaṅ bhage sombat reakʼ katha bako bataoetʼkan unre uni do onkoe sạjạikoa.

Philipiko lạgitʼ Pạul apostolakʼ ciṭhi 2:25

Iń do Epaphraditus ape ṭhen kole lạgitʼ jạruṛiń bujhạukeda. Uni do ińren pạtiạricʼ boeha kanae. Ạliń do mitʼtege liń kạmikana ar Mạsi lạgitʼ liń lạṛhại kana. Ape do sapʼdapʼicʼ lekate ińakʼ jạruṛokʼakʼko meṭao lạgitʼ unige iń ṭhenpe kolledea.

2 Korinthiko 9:12

Apeakʼ noa kạmi iạte eken Isorren hoṛkoakʼ ṭonṭa purunokʼtakoa ona do baṅ; Isor secʼ ạḍi utạr hoṛakʼ gun manao johar hõ sareṛokʼtakoa.

Romiko lạgitʼ Pạul Apostolakʼ ciṭhi 15:27

Onko do noa dan rạskạtegeko uṭhạu akada. Ona chaḍa noa manḍerko do Jerusalemren Isorren hoṛko ṭhenko rinigea, ente Jihudiko do akoakʼ Jiuteakʼ bhor dan reakʼ bhag tinre boṅgan hoṛ jạtrenkoko hạṭiń akatʼkoa unre boṅgan hoṛ jạtrenko hõ Jihudiko gharońj secʼte goṛowako do lek kantakoa.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Romiko lạgitʼ Pạul Apostolakʼ ciṭhi 13:6

Onatege ape do raj bhejape emetʼ kana, ente mạsul uṭhạuko do akoakʼ kạmi hotete Isorakʼko kạmikana.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

Aposkạmi 11:22

Ado Jerusalem manḍerren hoṛko noa sombatko ańjomketʼ khan onko do Antiokiạte Barnabasko kolkadea.

Luk 1:23

Ado naeke kạmi reakʼ pạli mucạtʼentae khan uni do oṛakʼteye calaoena.

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Mathae 13:41

Onko do uniyakʼ rajosṭi khon sanam tạkicʼakʼ ar sanam lekan bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Jobakʼ 1:6

Mitʼdin sermaren goḍet do Probhu Isor samaṅreye senena ar Soetan hõ uni sãoteye hạjirena.

1 Patras 3:7

Onkage ape hõ E jãwãeko, ape do bujsujte aperen bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Ibriko 10:11

Mimitʼ naekeko do dinạmge teṅgokate Isorko sewawae kana ar mitʼ talao inạ mitʼlekage dãṛẽko samaṅeda, menkhan nonkan dãṛẽte kại do tishõ ohoko ocokʼ daṛelea.

Ibriko 8:6

Menkhan ńitokʼ bon ńeletʼkana, Jisu oka naeke reakʼ kạmiye ńamakatʼ ona do onko naekekoakʼ kạmi khon hõ bạ̃ṛti sorosgetaea, cetʼleka uni do bondoboste denebanar secʼe hoyakan ona bondobos do lahateakʼ khon hõ sorosgea, ente noa bondobos do arhõ bhage gokʼakʼkore ṭẽhaḍokʼ kana.

Ibriko 6:12

Kuṛhiạpe tahen do bale khojkana; alele khojkana, okoe pạtiạu ar soborite Isorakʼ gokʼakʼ reakʼ bhorko ạidạri joṅkan, ape hõ onko leka hoyokʼpe.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiyạdarkoko hoyokʼ.

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Galathiko lạgitʼ Pạul Apostolakʼ ciṭhi 3:9

Onkate ńelokʼ kana, Abraham do Isorreye pạtiạuente cetʼleka bhore ńamletʼ onkage uni tayom khon okoe do Isorreko pạtiạukʼkan onko hõ inạ bhorgeko ńameda.

Galathiko lạgitʼ Pạul Apostolakʼ ciṭhi 3:7

Onate noa katha baḍaejoṅpe, okoe Isorreko pạtiạukʼkan eken onko kangeako Abrahamren hoponko do.

Romiko lạgitʼ Pạul Apostolakʼ ciṭhi 8:17

Ar gidrạko bon hoyakan khan, enḍekhan Isor acʼren gidrạko okaṭakʼ emokʼ reakʼe gokʼatʼko tahẽkan abo hõ ona bon ńama. Mạsige Isor ṭhen khon onae ńama ar abo hõ uni sãote ona bon ńama, ente Mạsi sãote bon harket sasetlen khan abo hõ uni sãote ṭhonokren bhạgiyạdar bon hoyokʼ.

Aposkạmi 16:26

Unre ackage ạḍi botor dhạrti laṛaoena onate hajot oṛakʼ reakʼ rehetʼko sudhạ dal dalaoena. Ar hajot oṛakʼ reakʼ sanam silpińko jhicʼtʼena ar kạidikoakʼ sikṛiko hõ raṛayena.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

Genesis 32:24

Onate Jakob do eskargeye tahẽyena. Unre mitʼṭecʼ hoṛ do hecʼkate ạuri aṅgakʼ hạbicʼ uni tulucʼe lạṛhạiyena.

Mathae 4:11

Unre Soetan do Jisu bạgiyadeteye calaoena, ar sermaren goḍetko hecʼkate uniko sapʼsoradea.

Mark 10:17

Jisu do arhõ horteye oḍok calakʼkan tahẽkanre mitʼṭen hoṛ do uni ṭhene ńir hecʼena ar ikhuṛumenteye menkeda, “E Guru, am do mitʼṭen bhage hoṛ kanam. Lạiyạńme, jaejug jion ńam lạgitʼ iń do cetʼiń cekaea?”

Romiko lạgitʼ Pạul Apostolakʼ ciṭhi 11:14

Ar nonkate jemon apnar jạtren hoṛkoń gagoj ocokote onko mod khon thoṛa hoṛ iń bańcao daṛeako.

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.