Hosea 9:4 - সান্তালী বাইবেল

⁴ Onko do Probhu Isor ńutumte darkha rasate coḍorakʼ samaṅokʼakʼ do bako samaṅa ar onkoren janwar samaṅokʼakʼte hõ uni do bako kusi ocodaṛeaea. Onkan samaṅokʼakʼ onko ṭhen do hokʼmor halaṅetʼkoakʼ jomakʼ lekage hoyokʼa; ar okoe onako jom onko sanamgeko bhonḍokʼa. Ona jomakʼ do akoakʼ lacʼ bikʼ lạgitʼge hoyokʼa, Probhu Isorakʼ oṛakʼte ona do baṅ ạgukʼa.

Hosea 9:4 Referans Kwoze

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Dosar Biboron 26:14

Gocʼko lạgitʼ homor halaṅ dinre hõ am ńutumte begar dohoakatʼ hạṭińko reakʼ khon cetʼge bạń jomakada, se chut iń tahẽkan jokhecʼ hõ oṛakʼ khon bạń oḍokleda, se ona khon jãhãn hạṭiń hõ gocʼko ńutumte bạń dan akada. Iń do ińren Probhu Isorakʼ katha lekageń kạmi akada. Amem hukumakatʼ jotowakʼgeń kạmi akada.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Malaki 2:13

Ar mitʼṭecʼ bạṛicʼ kạmipe kạmikana; apeakʼ mẽtʼ dakʼte ape do Probhu Isorakʼ pinḍpe lohotʼetʼtaea. Ape dope rakʼeda arpe homor halaṅeda, ar okape emokʼkan uni do ona ar bae moneyakʼkana ar kusi monte apeakʼ ti khon ataṅ hõ bae ataṅeda.

Amos 5:22

Ape do iń ńutumte jeredokʼ samaṅokʼakʼ ar jomakʼ samaṅokʼakʼpe samaṅrele hõ iń do ona bạń ataṅtapea. Ape do lodgopʼ janwarkote sulukren samaṅokʼakʼpe samaṅạńre hõ samaṅạńre hõ ona secʼ do bạń beṅgeda.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Jeheskel 24:22

Unre Jeheskel okae cekaketʼ apehõ onape onkaea. Moca bape beda ar hokʼmorkoakʼ jomakʼ hõ bape joma.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jesaea 57:6

“E Israel, am do buru nala reakʼ cĩkạ̃ṛ dhirikom sewawakʼ kana; ar onakoge, hẽ onakoge amakʼ sompottikana. Am do onako ṭhengem coḍoreda ar anajkom samaṅeda. Iń do cetʼ niạko ńelte hape akangeń tahena?

Levitikus 21:21

Hoṛmore dos menakʼtae nonkan Aron bõsren jãhãege pinḍ ṭhen senkate Probhu Isor ńutumte seṅgelre jãhãnakʼ samaṅokʼakʼ bae samaṅ daṛeakʼa. Ar dos menakʼtaete pinḍ ṭhen senkate Isor ńutumte jãhãn jomakʼ hõ bae samaṅ daṛeakʼa.

Levitikus 21:17

“Am do Aron metaeme, hoṛmore dos menakʼ nonkan okoehõ Isor ńutumte jomakʼ samaṅokʼakʼ lạgitʼ pinḍ ṭhen alo jemonko calakʼ.

Levitikus 21:8

E Israelko, naekeko Isor ńutumte begar doho akan hoṛ mente bujhạukope, ente onko do aperen Isor ńutumte jomakʼ samaṅokʼakʼ reakʼko kạmikana. Onate begar akan hoṛ menkate hudiskope, ente iń Probhu Isor doń sonotgea ar iń lạgitʼge ape doń begar dohoakatʼpea.

Levitikus 21:6

Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

Levitikus 17:11

ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.

Numeri 19:11

“Jãhãege jãhãn mạ̃ṛĩye joṭed enḍekhan uni do eae din hạbicʼ besapha akane tahena.

Numeri 4:7

Onko do samaṅakʼ piṭhạ dohowakʼ ṭebil cetanre mitʼṭecʼ nil roṅakʼ kicricʼko aṭetʼakʼa ar ona cetanre thạriko, bạṭiko, kạ̃ṛchuko ar cokʼḍor loṭakoko dohoya. Ar okaṭakʼ piṭhạ jao okte ṭebilre tahen ona do ṭebil cetanrege tahena.

Exodus 29:40

Pạhil bheḍa sãote do mitʼ keji irạl sae gram mĩhĩ holoṅ ar koṭecʼ roḍocʼakʼ mitʼ liṭar jạitun sunum sãote mesalkate samaṅ hoyokʼa. Ona chaḍa coḍor lạgitʼ mitʼ liṭar darkha rasa hõ samaṅ hoyokʼa.

Jirimiạ 16:7

Okoe onko gocʼko lạgitʼko homor halaṅ, se eṅgat-apat lạgitʼko homor halaṅ onko jiwi raṛecʼ emako lạgitʼ okoehõ piṭhạ ar dakʼ do bako emakoa.

Daniel 1:8

Daniel do menkhan mone moneteye goṭakeda, rajakʼ jomakʼ ar darkha rasate apnar do bae besaphakʼa. Ar apnar jemon aloe besaphakʼ onate uni cạkrạkoren sordar ṭhene arojkeda.

Joel 1:9

Probhu Isorakʼ oṛakʼ khon jomakʼ samaṅokʼakʼ ar coḍor samaṅokʼakʼ porob do sahaṛ akana. Okoe Probhu Isorko sewawae kan tahẽkan onko naekeko doko homor halaṅeda.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.