Hosea 9:15 - সান্তালী বাইবেল

¹⁵ Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Hosea 9:15 Referans Kwoze

Hosea 12:11

Gilead do bedhoromteye perecʼgea; uniren hoṛ doko ạuṛiyakʼgea. Onko do Gilgolre ḍher ḍaṅgrako samaṅketʼkoa. Onkoakʼ pinḍko do casetʼkan jumire dhiri ḍạṅko leka ḍhergea.

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

1 Samuel 7:16

Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Amos 5:27

Onate iń doń bondi ocopea ar Damesek hanasateń kolpea. Noa katha do iń Probhu Isorgeń meneda.”

Amos 4:4

“Ape do Betheltepe calakʼa arpe ghạṭa; Gilgalte senkate arhõ bạ̃ṛtipe ghạṭa. Din hilokʼ setakʼ reakʼ samaṅokʼakʼ jinisko ar pepe din hilokʼre apeakʼ gel hạṭiń reakʼ mitʼ hạṭiń jiniskope idiyetʼkana.

Hosea 9:17

Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Hosea 7:2

menkhan onko do bako bujhạueda je, onkoakʼ sanamakʼ kạmi reakʼ iń disạ dohoyeda mente. Onkoakʼ kại do purạtegeye gherao esetʼ akatʼkoa; onako do jao oktege iń samaṅre menakʼa.

Hosea 4:9

Hoṛko cetʼlekań sạjạiko onkage naekeko hõko sạjại ocokʼa; onkoakʼ colon iạte onko jotogeń sạjạikoa ar onkoakʼ kạmi lekate kuṛạiyiń emakoa.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Hosea 1:9

Unre Probhu Isor doe menkeda, “Nuiyakʼ ńutum do Lo-ammi (metakʼme ‘ińren hoṛ do baṅa’). ente ape do ińren hoṛ dope baṅkana ar iń hõ aperen Isor doń baṅkana.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Jeheskel 23:18

Uni do tinre khulạsate loṭghuṭiye ehopʼkeda ar acʼakʼ uluṅtetʼe sodorkeda unre iń do uniń hirkhạwadea, cetʼleka acʼren boeha kuṛiń hirkhạwade tahẽkan.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jirimiạ 11:15

“Ińren dulạṛiạyicʼ do ińakʼ oṛakʼre cetʼ ạidạri menakʼtaea, aemako tulucʼ dusṭạmiye kạmiakatʼ khan? Cetʼ sonot jel do amakʼ nosṭokʼe eṛankea? E behokko, muhin hecʼapere hõ cetʼpe hulạskokʼa?”

Jirimiạ 5:5

Onatege iń do mukhiyạko ṭheniń senokʼa ariń galmaraoakoa; onko do khạṭige Probhu Isorakʼ hor ar akoren Isorakʼ ạnko baḍaegea.” Menkhan onko do mitʼdomte arãṛ rạputʼkate tonolko topakʼ akada.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Sereńko 78:60

Siloamre acʼakʼ okaṭakʼ kumbạ oṛakʼ tahẽkan onae bạgi oṭowada; noa do ona tạmbu kana one okaṭakʼ do manwa talareye benaoletʼ.

Josuạ 10:43

Inạ tayom Josuạ do sanam Israelkoante Gilgal reakʼ ḍerateye ruạṛ calaoena.

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Aposkạmi 5:21

Onko do ona katha lekage ạḍi setakʼre mundilteko boloyena ar hoṛko lại cetʼakoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubbiko dolren jotoko hoho jarwaketʼkoa. Ona tayom apostolko ạguko lạgitʼ adom kạmiyạkoko kolketʼkoa.

Jirimiạ 12:8

Ińakʼ sompotti do birren mitʼṭen dhạcri kul leka hoyakana. Uni do iń ńelteye hạnḍrạukʼ kana, onate iń do uniń kurudae kana.

Hosea 12:2

Jihudạ upạrte Probhu Isorakʼ mitʼṭecʼ mambla menakʼtaea; Jakobakʼ colon lekate uni doe sạjạiyea ar uniyakʼ kạmi lekate kuṛạiye emaea.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.