Hosea 7:7 - সান্তালী বাইবেল

⁷ Ar jotokoge culhạ lekako dhipạuena ar akoren disạm cakʼlaoko do seṅgel lekako jeretʼ cabaketʼkoa. Onkoren rapaj do sanamgeko gocʼena; ar onko do okoege bako hohowạdińa.

Hosea 7:7 Referans Kwoze

2 Rapajko 15:30

Tayomte Usiạren hopon Jothamakʼ rajokʼ bargel bochorre Elaren hopon Hosea Remaliạren hopon Peka upạrteye soṛojontrokeda ar uniye gocʼkedete uniyakʼ jaegareye rajena.

2 Rapajko 15:25

Remaliạren hopon Peka ńutuman uniren mitʼṭen subedar do uni upạrteye soṛojontrokeda. Peka do Gileadren mõṛẽgel hoṛ soṅgekate Samariạ raj oṛakʼ gaṛre Pekahiạ, Orgob ar Oriyi tekoye gocʼketʼkoa. Pekahiạ gocʼkate Peka do uniyakʼ jaegare raje hoyena.

2 Rapajko 15:14

Ona tayom Gadiren hopon Menahem do Tirsa khon Samariạte senkate Jabesren hopon Salume akromonkedete uniye gocʼkedea ar uniyakʼ jaegare raje hoyena.

2 Rapajko 15:10

Jabesren hopon Salum do Sakhariạ upạrteye soṛojontrokeda ar hoṛko samaṅrege uniye akromon kedeteye gocʼkedea ar acʼ do uniyakʼ jaegare raje hoyena.

Hosea 8:4

Ińakʼ hukum chaḍage onko do rapajko bahal akatʼkoa; ińakʼ hukum chaḍage onko do mukhiyạko bachao akawana. Onko do sona ar rupạren boṅgako benaoetʼkote sorbonasreko paṛaokʼkana.

Hosea 7:10

Israelakʼ bạḍại do uni upạrte gohae emetʼkana, menkhan noako hoykate hõ uni do acʼren Probhu Isor ṭhen bae ruạṛ hijukʼkana.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Jesaea 43:22

“Menkhan E Jakob, am do bam hohoakadińạ; E Israel, am do iń iạtem laṅga akana.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Jobakʼ 36:13

“Isor baṅ botorae hoṛ do raṅgaoko dohoyeda; uniye tolleko khan hõ goṛo ńam lạgitʼ do bako guhera.

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Jeheskel 22:30

“Iń do onko talare nonkan mitʼ hoṛakʼ khojiń hataokeda, okoe do bhite gathao rakab ar disạmren hoykate bhit reakʼ paṛakʼre iń samaṅreye teṅgokʼ jemon disạm do aloń dhaṅdhaser daṛeakʼ, menkhan celege bạń ńamletʼkoa.

2 Rapajko 10:14

Unre Jihui hukumkeda, “Onko do jiwetʼte sapʼkope.” Ar hoṛko do jiwetʼte onkoko sapʼketʼkoa ar onḍenakʼ kuń ṭhenko gocʼketʼkoa. Onko do lekhare pongel bar hoṛko tahẽkana. Onko modren mitʼ hoṛ hõ jiwetʼ do bae doholetʼkoa.

2 Rapajko 10:7

Jihuakʼ ciṭhi seṭeren tayom hoṛko do onko eaegel jotogeko sapʼketʼkoa arko gocʼketʼkoa. Ona tayom khạclạkʼre onkoakʼ bohokʼko bhoraoketʼte Jisriyelte Jihu ṭhenko kolkeda.

2 Rapajko 9:33

Jihui metatʼkoa, “Uni do latarte giḍigotʼkaepe.” Unre onko do latarte Isebelko ḍhaka ńurkedea ar Jihuwakʼ rãt gạḍiren sadomko do uniko lebetʼ gańjaokedea. Onate uniyakʼ mãyãm do ṭunṭiyentaete pạcrire ar sadomkoakʼ hoṛmore paṛaoena.

2 Rapajko 9:24

Unre Jihu do daṛeakʼ bhor akʼe ṭuniạuketʼtaete Joramakʼ dạbi talareye tuńkedea. Ar sar do uniyakʼ mãyãm kunḍi secʼte boloyena ar uni do rãt gạḍi khone ńurena.

1 Rapajko 16:18

Simri do nagraha hatena menteye ńelketʼ khan raj doṅgolteye boloyena ar seṅgele lagaoada. Ar unre acʼ hõe lo gocʼena.

1 Rapajko 16:22

Menkhan Omri secʼren hoṛ do Ginetren hopon Tibni secʼren hoṛko bhagaoketʼkoa. Ar onate Tibniye gocʼen khan Omrigeye rajena.

1 Rapajko 15:28

Jihudạren raj Asakʼ rajokʼ tesarakʼ bochorre Basa do Nadabe gocʼkedea ar uniyakʼ jaegareye rajena.

Hosea 13:10

Amren raj doe okayena one uni amakʼ sanam nagrahakoe rukhiyạ daṛeatam? Amren disạm cakʼlaoicʼ doe okayena one onko reaṅem menetʼ tahẽkan, ‘iń do raj ar disạm cakʼlaoko imạńme?’

Mikạ 2:1

Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.

Sereńko 14:4

Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

Jesaea 64:4

Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.