Hosea 7:6 - সান্তালী বাইবেল

⁶ Menkhan onko do tinreko phor phundikeda unre onkoakʼ ontor do culhạ leka dugur dugur jollentakoa. Onkoren piṭhạ bekʼnaoko do goṭa ńindạko jạpitʼkeda ar setakʼ jokhecʼ ona phor phundi do bhaṭa seṅgel leka jolentakoa.

Hosea 7:6 Referans Kwoze

Mikạ 2:1

Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.

Hosea 7:7

Ar jotokoge culhạ lekako dhipạuena ar akoren disạm cakʼlaoko do seṅgel lekako jeretʼ cabaketʼkoa. Onkoren rapaj do sanamgeko gocʼena; ar onko do okoege bako hohowạdińa.

Hosea 7:4

Onko jotoge laṭghaṭko kanako, onko do piṭhạ rapakʼicʼakʼ jolokʼkan culhạ leka; holoṅ sipi khon ehopʼkate ona phulạu rakabokʼ hạbicʼ one ona reakʼ seṅgel do uskurakʼ baṅ jạruṛ.

Kạhtukko 4:16

Ente bạṛicʼ hoṛ do baṛicʼakʼ bako kạmile khan bako jạpitʼ daṛeakʼa; ar jãhãe bako tạkicʼ ocoleko khan mẽtʼ hõ baṅ jạpidokʼtakoa.

Sereńko 21:9

Amem sodorokʼre onko do culhạ reakʼ jolokʼkan koela lekam hoyocokoa. Probhu Isor do edreteye utʼgotʼkakoa, ar uniyakʼ seṅgelte onko doe atar giḍikoa.