Hosea 7:14 - সান্তালী বাইবেল

¹⁴ Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Hosea 7:14 Referans Kwoze

Jakob 4:3

Ape dope koeyetʼkanre hõ bape ńameda, ente bạṛicʼ monsubạ iạtepe koeyeda, jemon apeakʼ rij roṅ purạukʼtape.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Sakariạ 7:5

“Am do disạmren sanam hoṛ ar naekekom metakoa, ‘ape do eaegel bochor khon mõṛẽ ar eaeakʼ candore okape homor halaṅetʼ tahẽkan arpe upạsetʼ tahẽkan ona do Probhu Isor ńutumte do bape onka akada.

Amos 2:8

Onko do mitʼke mitʼ pinḍ ṭhen senkate bondhok hatao akatʼ kicricʼreko jạpitʼetʼkana. Onkoakʼ koejoṅ oṛakʼre onko do juribana reakʼ ṭakate darkha rasako ńũjoṅkana.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Jesaea 65:14

Ontorre rạskạ iạte ińren golamko doko sereńjoṅa, menkhan ape do mon reakʼ jalatepe raga ar rạputʼ ontor iạtepe hae haeyokʼa.

Bikʼcạrko 9:27

Onko do akoakʼ khetre senkate darkha joko lenkeda arko porobena. Onko do akoren debotawakʼ mundilte senkateko jom-nũkeda ar Abimelekko sarapadea.

Jakob 5:1

E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

Jesaea 52:5

Ar nonḍe ńitokʼ ińakʼ do cetʼ menakʼtińạ? Ińren hoṛko do ạuṛiyakʼteko idi ocoakana, ar disạm cakʼlaoko do onko cetanreko kạumạueda; ar siń sạṭupʼ ińakʼ ńutumko nindạuetʼ kana.

Exodus 32:6

Ar dosar hilokʼ hoṛko do ạḍi setakʼre beretʼkate jeredokʼ samaṅokʼakʼ ar sulukren samaṅokʼakʼ porobko porobena. Ar ona tayom do jojomko duṛupʼena ar enecʼ-khilḍukʼ lạgitʼko beretʼena.

Rak̕joṅ 2:18

Amren hoṛkoakʼ ontor do Probhu Isor ṭhen rakʼ rakʼteko meneda, “E Sion hoponerawakʼ pạcri, amakʼ mẽtʼ dakʼ do siń ńindạ gaḍa leka ạtukʼma; am apnar do alom sạjại ocokʼa, mẽtʼ hõ alom jirạu ocowakʼa.

Hosea 8:2

Israel do iń ṭhen rakʼ rakʼteye menetʼkana, ‘E ińren Isor, ale do amle aṅgocetʼmea.’

Hosea 13:6

Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.

Jirimiạ 12:2

Onko do amgem rohoey akatʼkoa arko rehetʼ akana; onko doko harakʼkana arko jo bahakʼkana. Onko do mocate jao okte amakʼ kathako roṛa menkhan onkoakʼ ontor do am khon ḍher sạṅgińgetakoa.

Hosea 13:9

“E Israel, am do iń secʼren dom baṅkana, metakʼme amren gokʼṛoyicʼ secʼrenem baṅkante iń do amiń marao giḍikama.