Hosea 6:5 - সান্তালী বাইবেল

⁵ Ona iạte ińren nạbiko hotete ape doń getʼ khanḍa khunḍi akatʼpea, ińakʼ moca reakʼ kathateń gocʼakatʼpea; ińakʼ bicạr reakʼ ray do ape cetanre bijli leka malkao rakapʼ akana.

Hosea 6:5 Referans Kwoze

Jirimiạ 23:29

Ińakʼ kathako do cetʼ seṅgel leka do baṅkana? Okaṭakʼ hạtuṛ dhiriye kuṭạm gejeretʼkan ińakʼ katha do cetʼ ona hạtuṛ leka do baṅkana?

Jirimiạ 1:10

Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Jirimiạ 5:14

Onatege phạdkoren Probhu Isor do nonkae meneda, “Hoṛko niạko menetʼte amakʼ mocare ińakʼ katha do seṅgel lekań hoeocoya ar noko hoṛ do kaṭ lekań hoyocokoa; ar ona seṅgel do onkoe jomkoa.”

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Johan sodor 9:21

Ona chaḍa khũn, jạdu, laṭghaṭ ar kombṛo, noako khon hõ mon bako ạcurleda.

Johan sodor 9:15

Unre onko ponea goḍet doko raṛa ocoyena. Niạ bochor reakʼ niạ cando, niạ din ar niạ ghonṭa lạgitʼ onko goḍet doko sapṛao doho ocoakan tahẽkana jemon onko do pe hạṭiń reakʼ mitʼ hạṭiń manwako gocʼ daṛeako.

Johan sodor 2:16

Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko upạrteń lạṛhạiya.

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Aposkạmi 7:31

Ona ńelte Mose doe hahaṛayena. Ar mońj okocʼte ńel lạgitʼe sen soren khan Probhu Isorakʼ noa kathae ańjomkeda,

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Jeheskel 43:3

Noa dorson ńelkate iń doń ombakʼena; ar nagraha maraokʼ reakʼ oka dorson Kebar gaḍa aṛereń ńelletʼ noa dorson do ona lekage tahẽkana.

Jeheskel 3:9

Amakʼ moloṅ do hirạ mạnik leka keṭecʼ, ar cokmuki dhiri khon hõń keṭecʼ ocoakatʼtama. Onko doko huhulkan jạtren kanrehõ alogem botorakoa ar onko ńelte alom botorokʼa.”

Jirimiạ 13:13

Enḍekhan onkom metakoa, Probhu Isore meneda, ‘okoe niạ disạmreko girobasokʼ kan, metakʼme Dạudakʼ siṅghạsonre duṛupʼ akan sanam rapajko, naekeko, nạbiko ar Jerusalemre girobasokʼ kan jotoge iń doń bul ocokoa.

Jirimiạ 1:18

Am do teheń mitʼṭecʼ daṛeanakʼ nagraha leka, mitʼṭecʼ mẽṛhẽtʼ khunṭi leka ar mitʼṭecʼ pitạl reakʼ bhit lekań hoyocoketʼmea jemon goṭa disạm upạrte, metakʼme Jihudạren rapajko, cetan hudạren kạmiyạko, naekeko ar disạmren hoṛko upạrtem teṅgo daṛeakʼ.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 37:6

Unige amakʼ dhorom do marsal lekae jhak jhak ocoytama; ar amakʼ dhorom kạmiko do tikin reakʼ setoṅ lekae hoeocoya.

Jobakʼ 34:10

“Onatege E bujan hoṛko, ińakʼ katha ańjompe. Isor khon bạṛicʼakʼ kạmi do sahaṛ akae baṛe tahenma.

2 Bõsbudạ 21:12

Unre Jehoram do Eliạ nạbi ṭhen khon mitʼṭecʼ ciṭhiye ńamkeda. Onare ol tahẽkana, “Amren hapṛam Dạudren Probhu Isore meneda, ‘am do amren ạpum Jehosaphat se Jihudạren Asa rajakʼ horte do bam taṛameda, menkhan Israelren rapajko lekagem taṛameda. Am iạte Ahab bõsren hoṛko leka Jihudạ ar Jerusalemren hoṛko do boṅga sewa secʼko ạcur akana. Ona chaḍa am do amren boehakom gocʼ ocoakatʼkoa, onko do am khon hõ bhagegeko tahẽkana.

2 Rapajko 1:16

Uni do raje metadea, “Probhu Isor do niạ kathae meneda, ‘Israelre cetʼ Isor do bạnuiya, onate Ekronren deboda Bakʼal-sebub ṭhen kulijoṅ lạgitʼ hoṛem kolletʼkoa? Ar noam kạmi akatʼte am do aṭetʼ khon ar bam beretʼ ruạṛ daṛeakʼa. Khạṭigem gujukʼa.’ ”

1 Rapajko 19:17

Ar Hasayelakʼ tarwaṛe khon jãhãegeko paskaokʼ onko do Jehu hoteteko gujukʼa ar Jehuwakʼ tarwaṛe khon okoeko paskaokʼ onko do Elisa hoteteko gujukʼa.

1 Rapajko 18:17

Eliại ńelkede khan Ahabe menkeda, “Am kangeam, E Israelren jạnum?”

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Rapajko 14:6

Ar Ạhiạ do duạr ṭhen uniyakʼ taṛam reakʼ sabade ańjomketʼ khane menkeda, “Dela bolokʼme, Jerobiamren bạhu. Am do cedakʼ nonka dom udugokʼ kana? Iń do bạṛicʼ khobor emam lạgitʼgeń men ocoakana.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.

1 Samuel 13:13

Sạmuele menkeda, “Am do bebuj lekam kạmiakada. Amren Probhu Isor okae hukumatʼme tahẽkan ona do bam manaoleda. Onam manao lekhan Israelko cetanre amakʼ rajokʼ do jaejug hạbicʼe dohoketama.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Ephesiko lạgitʼ Pạul Apostolakʼ ciṭhi 6:17

Ar bańcaokʼ lạgitʼ bohokʼ reakʼ aḍokʼakʼ hatao joṅpe ar sonot Jiu reakʼ tarwaṛege, metakʼme Isorakʼ katha ataṅ joṅpe.

1 Samuel 15:32

Tayomte Sạmuele menkeda, “Amalekikoren Og raj do iń ṭhen ạguiyepe. Niạ katha ańjomkate Og do ladacʼ luducʼ Samuel ṭhene hecʼena. Uni doe hudiskeda gujukʼ reakʼ haso ńitokʼ do ar bạnukʼa.

1 Samuel 15:33

Menkhan Sạmuele menkeda, “Amakʼ tarwaṛete ḍher maejiukoren hoponko gocʼ ocoakan onkage maejiuko talare eṅgamren hopon hõe adokʼtaea.” Ar niạ katha menkate Sạmuel do Gilgolre Probhu Isor samaṅre Og raj doe samakʼ khanḍa khunḍikedea.

Jeheskel 32:18

“E manwa hopon, Misorren hoṛko lạgitʼ homor halaṅpe ar okoe Seolteko pheḍ calakʼkan onko sãote uni ar eṭakʼ daṛean jạtkoren hoṛko hõ dhạrti reakʼ khandṛaṅte kolkakome.

Jobakʼ 15:30

Uni do ńut khon bae paskao oḍok daṛeakʼa; uni do nonkan dareko lekae hoyokʼa one ona reakʼ ḍạrko seṅgelte jhạ̃usạkʼ kan; Isorakʼ moca reakʼ sahẽtʼte uni doe oṭaṅokʼa.

Jeheskel 11:4

Onate E manwa hopon, am do noko upạrte nạbi lekate katha roṛme, hẽ, nạbi lekatege baṛe katha roṛme.”