Hosea 5:8 - সান্তালী বাইবেল

⁸ “Ape do Gibiạre siṅgạ ar Ramare do pẽpṛẽtʼpe oroṅeda. Ar Beth-Abnere do hohoatepe meneda, ‘E Benjamin, lạṛhại baṛe ạyur bonme.’

Hosea 5:8 Referans Kwoze

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

1 Samuel 15:34

Ona tayom uni do Ramoteye ruạṛ calaoena ar Sạul do Gibeat-Sạul nagrahateye ruạṛena.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Jesaea 10:29

Onko do buru sinit (giripoth) paromkateko hecʼakana, “Abo do Geba ṭhen ḍerakate bon tahẽ aṅgakʼa.” Onate Rama do thar tharaokʼ kana, Sạulakʼ Geba khon hoṛko doko ńir joṅkana.

Bikʼcạrko 5:14

Adomko hoṛ do Ephrayim khonko hecʼena Amalekiko girobasokʼkan tahẽkan ṭhen; onko doko hecʼena Benjamin gusṭiren hoṛko tayomte. Makir khon do mukhiyạko hecʼena, ar Sebulon khon do cakʼlao ṭheṅga sasapʼkoge.

Joel 2:15

Ape do Sionre sakwa oroṅpe, ar sonot upạs reakʼ bebostaepe, ar mitʼṭecʼ sabha hoeocoype;

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

1 Rapajko 12:29

Unkin mĩhũ modre mitʼṭen do Bethelre ar eṭagicʼ do Danreye dohoketʼkinạ,

2 Samuel 21:6

uniyakʼ bõs khon eae goṭen herel hoṛ aleakʼ tire soprotaleme. Ale do Probhu Isorren bachao hoṛko, metakʼme Sạulakʼ nagraha Gibeonre Probhu Isorakʼ burure Probhu Isor samaṅre onkole gocʼkoa ar sanamko samaṅre onkoakʼ mạ̃ṛĩkole giḍikakʼa.” Raj doe metatʼkoa, “Iń do apeakʼ tire onkoń soprotkoa.”

1 Samuel 8:4

Ona iạte Israelkoren murubbiko doko mitʼena ar Ramare senkate Samuelko lạiyadea, “Ńelme, am dom haṛamena ar amren hoponkin do amakʼ horte bạkin taṛameda, onate eṭakʼ jạtrenko leka abo bicạrbon lạgitʼ mitʼṭen raj baṛe teṅgoaleme.”

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.

Josuạ 7:2

Josuạ do Jerikho nagraha khon Ae nagrahate hoṛe kolketʼko. Ona nagraha do Bethel nagraha purub Beth-awer nagraha sorre tahẽkana. Hoṛko kolko jokhecʼ uni do onkoe metatʼkoa, “Senkate disạm do mońjte ńel ạguiype.” Ar onate hoṛko do Ae nagrahate senkate hape hapete khoborko ạgukeda.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?