Hosea 5:13 - সান্তালী বাইবেল

¹³ “Ephrayim do tinre acʼakʼ roge ńelkeda ar Jihudạ do acʼakʼ ghaoko unre Ephrayim do Ạsur secʼ ạcur ruạṛkate goṛo ńam lạgitʼ uni maraṅ raj ṭhen hoṛe kolketʼkoa. Menkhan uni do rog hõ bae boge daṛeataea ar uniyakʼ ghaoko hõ bae bes daṛeakʼa.

Hosea 5:13 Referans Kwoze

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Hosea 10:6

Ona do Ạsurte idi ocoakana ar maharajakʼ khajna lekate emakana. Ona iạte Ephrayim do bae manot ocokʼa, ar Israel do acʼakʼ goṭawakʼ lạgitʼe lajao ocokʼa.

Hosea 8:9

Onko do eskar eskar ạcur baṛaekan bir gadha leka Ạsur hạbicʼko sen akana. Ar Ephrayim do ṭakate dulạṛiạkoe ạgu akawana.

Jirimiạ 30:12

Probhu Isore meneda, “Amakʼ ghao do baṅ besokʼtama, amem hạn akan reakʼ ran do bạnukʼa.

2 Rapajko 15:19

Inạ tayom Asurren raj Pul do Israele akromonkeda. Unre Menahem do Pulakʼ goṛote disạmre acʼakʼ rajosṭi kajaktae lạgitʼ pegel are ṭon rupại emadea.

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

2 Rapajko 16:7

Tayomte Ahas do Asurren raj Tiglot-Pileser ṭhen niạ katha roṛ lạgitʼ hoṛkoe kolkatʼkoa, “Iń do amren guti ar amren hopon kạnạń. Am do hijukʼte Aramren raj ar Israelren rajakʼ ti khon rukhiyạyińme. Unkin do ińkin akromoneń kana.”

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

Jesaea 3:7

Menkhan enhilokʼ uni hoṛ do roṛ ruạṛateye metakoa, “Disạm bhạlại reakʼ ińakʼ do cetʼge bạnukʼtińạ. Ińakʼ oṛakʼre jãhãn jomakʼ se kicricʼko hõ bạnukʼtińạ; disạmren ạyuricʼ do alope benaoińạ.”

Jeheskel 23:5

“Ohola do ińrene tahẽkanre hõe loṭghuṭikeda. Uniren dulạṛiạko, metakʼme Ạsurrenko secʼ uni doe gagojok ʼkan tahẽkana. Onko do beguni roṅ kicricʼ horokʼ akatʼ lạṛhại birko, disạm cakʼlaoko ar subedarko tahẽkana; ar jotoge ńapae juạn ar sadomre dejokʼ aswariko tahẽkana.

Hosea 2:7

Uni do acʼren dulạṛiạko tayomteye ńir calakʼa menkhan onko do bae tiyokʼ daṛeakoa; uni do onkoe sendrakoa menkhan bae ńamkoa. Khan unreye mena, ‘ińren pạhil jãwãe ṭheniń ruạṛ calakʼa, ente onḍe do bhagegeń tahẽkana.’