Hosea 5:10 - সান্তালী বাইবেল

¹⁰ Jihudạren mukhiyạko do simạna dhiri ocokʼko leka kanako. Ińakʼ edre do onkore banbạsi lekageń paṛao ocoya.

Hosea 5:10 Referans Kwoze

Dosar Biboron 19:14

“Aperen Probhu Isor okaṭakʼ disạm dokhol lạgitʼe emape lạgidokʼkan onḍe aperen hapṛamko ṭhik dohoakatʼ simạna reakʼ cinhạ do alope ocoga.

Sereńko 32:6

Ona iạte tinạkʼ din ạt menakʼ unạkʼ din amko botoramkan hoṛ do am ṭhenko koejoṅ ma; sạrige, muhin do banbạsi dakʼleka tinre hijukʼa unre ona do onko baṅ paṛao akoa.

Dosar Biboron 27:17

‘Sarapangeae uni hoṛ do, okoe do eṭakʼ hoṛakʼ jumi reakʼ simạnakoe ocokʼ giḍiyetʼkan.’ Unre sanam hoṛko mena, ‘Amen.’

Luk 6:49

Okoe ińakʼ katha ańjomkate ona leka bae kạmi, uni do nonkan hoṛ lekanae, okoe do begor rehetʼ bạisạute hasa cetanre oṛakʼe benaoketʼ. Ado ạtukʼ dakʼ hecʼkate tinre ona oṛakʼre bajaoena unre ona oṛakʼ do lạnduṛ ńurena.”

Mathae 7:27

Ado jhar jhare dakʼkeda, are hoekeda, ar ḍubạ dakʼ hecʼena ar ona oṛakʼre bajaoena; ar ona do lạnduṛena, ar botorge oborena!”

Jeheskel 7:8

Iń do usạrage ape cetanre ińakʼ edreń dula. Apeakʼ colon lekategeń bicạrpea ar apeakʼ sanam hirkhạwakʼ kạmiko khạtirtegeń sạjạipea.

Kạhtukko 22:28

Amren hapṛamko do simạ reakʼ okaṭakʼ cinhạ dhiriko bandhao oṭo akatʼ, ona do alom ocoga.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Sereńko 88:17

Onako do dakʼ leka siń sạṭupʼ ińe esetʼ ạcurakadińạ, ar purạteye unum caba akadińạ.

Sereńko 69:24

Amakʼ raṅgao do onko cetanre upʼgotʼkakʼme; amakʼ jaljalaokʼkan raṅgao do onkoe sapʼpaṭetʼkoma.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jeheskel 22:22

Culhạre cetʼ leka rupạ galaokʼ onkage ape hõ onarepe galaokʼa. Unre ape dope baḍae daṛeakʼa, iń Probhu Isorge ape cetanre ińakʼ edreń dul akada mente.’ ”