Hosea 4:11 - সান্তালী বাইবেল

¹¹ “Loṭghuṭi ar nãwã ar mare darkha rasage ińren hoṛkoakʼ bud doe nosṭo akatʼtakoa.

Hosea 4:11 Referans Kwoze

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Sosolhayic̕ 7:7

Ạkilan hoṛe julum khan uni do bebujicʼ lekae hoyokʼa, ar ghus do buje nosṭoea.

Kạhtukko 6:32

Okoeye laṭghaṭ uni do buj reakʼ okulạn menakʼtaea; uni do acʼtegeye maraokʼ kana.

Levitikus 10:9

“Am ar amren hoponkin ape do bubulakʼ ńũkate ńapamokʼ tạmbure alope bolokʼa, arpe bololen khan ape hõpe gujukʼa. Noa do piṛhike piṛhi mitʼṭecʼ jaejug reakʼ niạmge tahena.

1 Samuel 25:36

Abigael do Nabal ṭhen tinreye ruạṛ calaoena unre raj oṛakʼre leka uniyakʼ oṛakʼre kheloḍ ehopʼ akane ńelkeda. Unre Nabal do bubulakʼ ńũkateye kusiyena ar ạḍiye ńũ bulena. Ona iạte Abigael do ạuri setagokʼ hạbicʼ cetʼge bae metadea.

Kạhtukko 31:4

E Lemuel, rapajko reakʼ lek do baṅ kana, darkha rasa ńũi do; ar bubulakʼ ńũi hõ disạm cakʼlaoko lạgitʼ lek anakʼ hõ baṅkana.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.

Jirimiạ 23:13

“Samariạren nạbiko talare iń do niạkoń ńel akada, onko do Bakʼal debota ńutumte nạbi lekate katha roṛkate ińren Israel hoṛko bạṛicʼ horteko idiakatʼkoa.

Hosea 5:4

“Onkoakʼ kạmi do onkoren Isor secʼ bae ruạṛ ocoako kana. Onkore do laṭghaṭ reakʼ mon menakʼa. Probhu Isor do sạriyakʼte bako baḍae akadea.