Hosea 2:22 - সান্তালী বাইবেল

²² ar dhạrti do phosol, nãwã darkha rasa ar sunume emaea, ar onko hotete Jisreyel, metakʼme Israel do ińakʼ monejoṅakʼe bujhạua.

Hosea 2:22 Referans Kwoze

Joel 2:19

Probhu Isor do onkoakʼ katha reakʼe roṛ ruạṛakoteye mena, “Iń do ape ṭhen nãwã darkha rasa, sunum, ar phosolkoń kola, onatepe tirpitokʼa; ar jạt jạtrenko ṭhen ar tishõ landa dhutʼanko do bạń hoyocopea.

Hosea 1:11

Jihudạ ar Israelren hoṛko do arhõko midokʼa ar ako cetanre mitʼṭen mukhiyạko dohoyea. Ona laha oka disạmre bondi akanko tahẽkan onḍe khon onko doko calaojoṅa, ente Jisreyelakʼ ona din do maraṅge hoyokʼa.

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Hosea 14:7

Okoe uniyakʼ umulreko tahen onko do ḍher phosolko arjao ocoya. Onko do darkha nạ̃ṛĩ leka jo bahateko perejokʼa ar Lebanon reakʼ darkha rasa leka onkoakʼ ńutum do pasnaokʼtakoa.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.