Hosea 2:2 - সান্তালী বাইবেল

² “Aperen gogo nehõraepe, unige ruhedepe, ente ińren bạhu doe baṅkana ar ińhõ uniren jãwãe doń baṅkana. Uni do acʼakʼ mẽtʼãhã khon laloce ocokʼ giḍikakʼma ar acʼakʼ ontor khon laṭghaṭ hõe sạṅgiń giḍikakʼma.

Hosea 2:2 Referans Kwoze

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jeheskel 23:45

Menkhan dhorom hoṛ do unkinko bicạrkinạ laṭghaṭ maejiuko bicạrko lekage, ar mãyãmko joro ocoy ạimạiko bicạrko lekage, ente unkin do laṭghaṭren maejiukin kanakin ar mãyãm do unkinakʼ tire menakʼa.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jeheskel 16:25

Dobạṭiạkore hõ boṅga muṭhạnko benaokate amakʼ mońjtetʼ do hirkhawakʼgem hoyoco akada. Ar jãhãege am aṛeteye parom senakan unige amakʼ hoṛmom danaekan tahẽkante amakʼ loṭghuṭi reakʼ kạmim ḍher akatʼtama.

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Hosea 1:2

Hosea hotete pạhil dhao katha roṛ jokhecʼ Probhu Isor do uniye metadea, “Am do senkate mitʼṭen kusumbi ayo baplayem. Ar laṭghaṭren hoponko omonjoṅme, ente disạmren hoṛko do ạḍitetʼko laṭghaṭeda Probhu Isorko bạgi akadete.”

Jirimiạ 19:3

Ona katha do hoyokʼkana, ‘E Jihudạren rapajko ar Jerusalemren hoṛko, iń Israelren Isor phạdkoren Probhu okaṭakʼ kathań roṛetʼkan ona ańjompe. Iń do niạ ṭhạ̃i cetanre nonkan ghoṭnań paṛao ocoya, ona ańjomkate onko mimitʼkoakʼ lutur do tiṅgitʼ utạrokʼtakoa.

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

Jeheskel 23:43

Unre laṭghaṭte laṅga akan maejiu reaṅ iń menkeda, ‘ńitokʼ onko hoṛ do kusumbi lekageko beohar ocoge ar uni hõ onko sãoteye laṭghaṭ idiyma.’

Jeheskel 20:4

“E manwa hopon, am do cetʼ onkom bicạrkoa? Enḍekhan onkoren hapṛamkoakʼ bạṛicʼ colon reakʼ katha baṛe baḍae ocokome.

Jeheskel 16:20

“ ‘Amren okoe hopon ar hoponerako iń lạgitʼ kukhirem janametʼko onko do jomakʼ lekate boṅgako ńutumtem samaṅ akatʼkoa. Amakʼ loṭghuṭi reakʼ kạmi do cetʼ ḍherge baṅ tahẽkana?

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Hosea 2:1

“Ape do aperen boehape metakoa Ommi (metakʼme ‘ińren hoṛ’) ar aperen miserako do Ruhama (metakʼme ‘dayaren hoṛ).

Hosea 4:5

E naekeko, ape do siń ar ńindạpe tohodokʼkana ar ape sãote nạbiko hõko tohodokʼkana. Onatege iń do aperen gogo Israel doń marao utạrea.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Jirimiạ 3:18

Un jokhecʼ Jihudạren hoṛ do Israelren hoṛko sãoteko seledokʼa ar okaṭakʼ disạm ạidạri menkate aperen hapṛamkoń ematʼko tahẽkan ona disạmre mitʼdomte utạr secʼ khonko ruạṛ hijukʼa.’

Mikạ 2:13

Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.