Hosea 2:16 - সান্তালী বাইবেল

¹⁶ “Iń Probhu Isorgeń menetʼkana, enhilokʼ uni do ‘acʼren jãwãe’ menteye hohowạńạ; ‘ińren kisạ̃ṛ’ mente do ar bae hohoạńạ.

Hosea 2:16 Referans Kwoze

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Hosea 2:7

Uni do acʼren dulạṛiạko tayomteye ńir calakʼa menkhan onko do bae tiyokʼ daṛeakoa; uni do onkoe sendrakoa menkhan bae ńamkoa. Khan unreye mena, ‘ińren pạhil jãwãe ṭheniń ruạṛ calakʼa, ente onḍe do bhagegeń tahẽkana.’

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Johan sodor 19:7

Ar dela, kusite bon rạskạkʼma ar uni bon sarhaoea, ente Bheḍa Hoponakʼ baplakʼ reakʼ ghuṛi do seṭerena ar uniren bạhu doe sapṛao akana.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Genesis 34:3

Ar Dinare ạḍi mon tolentaea. Uni do Dinae dulạṛkedea ar acʼakʼ dulạṛ reakʼ kathae baḍae ocokedea.

Rut reakʼ kạhini 2:13

Unre Rute menkeda, “E ińren kisạ̃ṛ, am do daya mẽtʼtem ńeleń kana. Ar amren kạ̃ṛmĩ ṭhen noa udgạu reakʼ katham roṛketʼte am do jiwi raṛecʼem emadińạ, ente iń do amren kạmiyạ kuṛiko sãote teṅgokʼ lekgeń baṅkana.”

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jeheskel 20:35

Jạt jạtrenkoakʼ hahaṅkarteń idipea ar onḍege ape tulucʼ samka sạṭi reakʼ bicạriń phanḍaoa.