Hosea 2:15 - সান্তালী বাইবেল

¹⁵ Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Hosea 2:15 Referans Kwoze

Jeheskel 28:26

Onḍe onko do oṛakʼ-duạrko benaojoṅa ar nirạiteko girobasokʼa ar darkha bagwanko benaojoṅa. Ar onkoren landa dhudutʼkan jạtrenko tinreń sạjạikoa unre onko do nirạiteko girobasokʼa. Onate onko doko baḍae daṛeakʼa, ińkangeạń onkoren Probhu Isor do.”

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Josuạ 7:26

Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Johan 10:9

Duạr do ińge. Ente jãhãege iń secʼte bhitriteye bolokʼ uni do bańcaoe ńama. Uni do bhitriteye bolokʼa ar bahreteye oḍokokʼa ar ạtiń lạgitʼ jaegae ńama.

Amos 9:14

Bondi dosare menakʼko ińren hoṛ Israelkoń ruạṛ ạgukoa; onko do dhaṅdhaser akan nagraha arhõko benao aroea ar onakoreko tahena. Onko do darkha bagwanko benaojoṅa arko ńũiya; onko do bagwanko benaoa ar ona reakʼ joko joma.

Jeheskel 16:60

Enhõ amakʼ thoṛa umerre am lạgitʼ oka bondobosiń doholetʼ ona doń disạigea ar am lạgitʼ mitʼṭecʼ jaejug reakʼ bondobosiń bandhaoa.

Jeheskel 16:22

Ar amakʼ sanam hirkhạwakʼkote ar amakʼ laṭghaṭkote amakʼ kuṛi jokhecʼ reakʼ din do bam disạleda, bạṛicʼakʼ kạmi ar amakʼ loṭghuṭi talare am do amakʼ gidrạ pạṛiạ reakʼ katha hõ bam disạleda one tinre uluṅge ar eken hoṛmo apnarakʼ mãyãm cetanrem khạṛupạtu baṛaekan tahẽkan.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Jesaea 65:21

Onko do oṛakʼ-duạr benaokate onḍeko girobasokʼa ar darkha bagwan benaokate ona reakʼ joko joma.

Sakariạ 9:12

E aste perecʼ bondi akanko, ape do apeakʼ gaṛte ruạṛ calakʼpe; teheń iń doń kiriạkʼkana, ape do bar doboṛiń bhorapea.

Rak̕joṅ 3:21

Enhõ as do menakʼtińgea, ente iń do noa kathageń hudisetʼkana;

Jirimiạ 32:15

ente noa disạmre oṛakʼ-duạr, jaega-jumi ar darkha bagwan do arhõ kiriń ạkhrińokʼa. Iń Israelren Isor phạdkoren Probhuge noa katha doń meneda.’

Sereńko 106:12

Unre Probhu Isorakʼ kathate onko doko biswạsena ar uniko sarhaokedea.

Numeri 21:17

Unre Israel hoponko noa sereńko sereńkeda: “E kuń, bhumbuk rakabokʼme. Ape do noa kuń reaṅ sereńpe.

Hosea 12:9

Menkhan E Ephrayim, ińge amren Probhu Isor do; ińge Misor khoniń oḍok ạguakatʼmea. Amakʼ niṭakatʼ porobko reakʼ okte leka arhõ am do tạmbureń tahẽocomea.

Jesaea 65:10

Ińren hoṛko okoe do ińakʼ sana lekako calakʼkan onkoren pal bhiḍiko lạgitʼ Saron do ạtiń ṭạnḍi hoyokʼa ar Akhor buru nala do ạsul janwarko lạgitʼ aḍa reakʼ jaegage.

Hosea 2:12

Oka darkha nạ̃ṛĩ ar loa dare reaṅe roṛakatʼ baṅma, acʼakʼ kuṛại iạtege acʼren dulạṛiạkoko em akawadea, ona doń nosṭoetaea; ar onako do bir gajaṛ iń hoeocoya ar bir janwarko do onako joma.

Sereńko 129:1

Israel doe menma, “Gidrạń tahẽkan khonge hoṛko do ạḍiko santaoedeń kana.

Jirimiạ 2:1

Probhu Isor do Jerusalemteye idikedińa ar onḍenko hoṛ ṭhen niạ katha lại lạgitʼe metadińa: “Amakʼ juạn jokhecʼ reakʼ pạtiạrtetʼ iń disạyetʼtama. Am do baplakʼkan bạhu kuṛi lekam dulạṛedeń tahẽkana ar oka disạmre bako casetʼkan tahẽkan onkan hahaṅkar jaegakore hõm pańja baṛaledeńa.

Jirimiạ 3:4

Am do cetʼ ńitge hohoate bam metadińạ, ‘E baba, am do ińakʼ juạn jokhecʼren gate kanam,

Jirimiạ 29:11

Ape lạgitʼ ińakʼ goṭawakʼ do ińiń baḍaea; ona do apeakʼ bhạlại lạgitʼge, bạṛicʼ lạgitʼ do baṅa. Ar ona goṭawakʼ hotetege apeakʼ tayom daram reakʼ as do purạukʼtapea.

Jeheskel 28:25

“Eṭakʼ jạtrenko talare chirchạtur akan Israelko tinreń jarwakoa unre jạt jạtrenkoakʼ mẽtʼãhã samaṅre onko talare ińakʼ sonottetʼ iń sodora. Unre onko do akoakʼ ona disạmreko girobasokʼa one okaṭakʼ disạm do ińren guti Jakob iń emade tahẽkan.

Hosea 12:13

Probhu Isor do Misor khon Israel ạguiye lạgitʼ mitʼṭen nạbiye beoharledea; uni hotete uniye ńel todarot ledea.

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Bikʼcạrko 8:34

Okoe do beṛhaeten bạirikoakʼ ti khone rukhiyạletʼko onkoren uni Probhu Isor doko hiṛińkedea.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.