Hosea 2:14 - সান্তালী বাইবেল

¹⁴ “Ar cĩkạ̃ṛ cĩkạ̃ṛ kathate uni do hahaṅkarteń ạyur idiyea ar uni tulucʼ dulạṛ reakʼ kathań roṛa.

Hosea 2:14 Referans Kwoze

Johan sodor 12:6

ar uni maejiu do hahaṅkarteye dạṛkeda. Isor do ona hahaṅkar jaegare uni lạgitʼ mitʼṭecʼ jaegae ṭhik dohoakatʼ tahẽkana, jemon mitʼ hajar barsae turui gel din onḍeye ạsul ocokʼ.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Johan sodor 12:14

Unre uni maejiu do maraṅ okocʼ mitʼṭen pajhaṛakʼ barea phạ̃kṛạ̃kʼe emocoyena jemon hahaṅkarte acʼakʼ jaegateye uḍạu calao daṛeakʼ. Ar onḍe uni do bińakʼ mẽtʼãhã samaṅ khon danaṅre pe bochor tala hạbicʼe ạsul ocokʼa.

Genesis 34:3

Ar Dinare ạḍi mon tolentaea. Uni do Dinae dulạṛkedea ar acʼakʼ dulạṛ reakʼ kathae baḍae ocokedea.

Johan 6:44

Ińren Baba, one okoeye kol akadiń uni bae ore khan okoe hõ iń ṭhen ohoe hecʼ daṛelena. Ar ińge mucạtʼ dinre uniń jiwetʼ beredea.

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Jeheskel 20:10

Misor khon onko do hahaṅkarteń oḍok ạguketʼkoa.

Jirimiạ 16:14

Probhu Isore meneda, “Nonkan dinko hijukʼkana unre hoṛko do ar bako mena, ‘Misor disạm khon okoe do Israelkoe oḍok ạguletʼko, uni jiwetʼ Probhu Isor ńutumteń kiriạkʼkana,’

Soros sereń 1:4

Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

Jobakʼ 36:16

“Uni do kosṭo tala khon oḍok ạgumeye khojkana; ar nonkan phaelao ṭhạ̃iteye idimea okare jãhãn tạkicʼakʼge baṅ tahen. Onḍe amakʼ ṭebil do bhage bhage jomakʼte perecʼ tahena.

Jeheskel 20:33

Iń Probhu Isorge ińakʼ ńutumte kiriạkateń meneda, ińakʼ daṛeanakʼ ti tiyạrkate edreń dulapete ape cetanreń rajokʼa.

Mikạ 4:10

E Sion kuṛi, bedonokʼkan maejiu leka hasote baṛe thakoakʼme, ente ńitokʼ do amakʼ nagraha bạgikate ṭạnḍire tahen hoyokʼtama. Am hõ Babeltem calakʼa; ar onḍe do bańcaoem ńama. Probhu Isor do onḍege amren bạirikoakʼ ti khone chaḍaomea.

Jesaea 5:5

Ińakʼ darkha bagwan cetanre okań cekae ona do ńitokʼ iń lạiyapea: iń do ona reakʼ eṭetʼakʼ iń ocoga onate bagwan doko jom ṭhuṭkuya; ar ona reakʼ pạcriń rạputʼ giḍikakʼa onate ona doko lebetʼ gańjaoa.

Jirimiạ 45:4

“Probhu Isor do niạ katha am lạiyam lạgitʼe metadińa, ‘iń Probhu Isor do goṭa disạm talare okaṭakʼ iń benaoakatʼ ona doń rạputʼ dhaṅ dhasera ar okań rohoe akatʼ ona doń or totʼ giḍikakʼa.

Mikạ 1:7

Ar uniren sanam boṅgako doko rạputʼ gejer ocokʼa; uniren mundil-kusumbikoakʼ sanam rojgar do seṅgelte rapakʼ giḍikʼa; uniren sanam boṅga muṭhạnko doń marao giḍikoa. Uni do kusumbi reakʼ kuṛại lekate noakoe ńam akada onate onako do arhõ kusumbikʼ lạgitʼ laṛcaṛokʼa.”