Hosea 14:8 - সান্তালী বাইবেল

⁸ E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Hosea 14:8 Referans Kwoze

Jobakʼ 34:32

Iń oka bạń ńel orometʼ ona cetʼạńme; ariń behokʼ akatʼ khan, ona do ar bạń onkaea.’

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Luk 15:20

“Noa menkate uni doe beretʼente acʼ apat ṭhene calaoena. Ado sạṅgińreye tahẽkanrege uniren apattetʼ doe ńel ńamkedea ar ạḍi mãyã hecʼadea. Ar ńir senkate uniye hạṛupʼkedea are cokʼ cokʼadea.

Jesaea 55:13

Ar jạnumko bodolte do saro dareko ar seṅgel siń bodolte do mehendi dareko hara rakabokʼa. Probhu Isor lạgitʼ ona do mitʼṭecʼ dikʼsạ cinhạge hoyokʼa. Ona cinhạ do tishõ baṅ maraokʼa.”

Jesaea 41:19

Hahaṅkarre, debdạru, babla, mehndi ar jạitun darekoń rohoea ar khaṅkarre do saro, tạsur ar jhão darekoge,

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriyakʼ kangea marsal reakʼ jo do.

Johan 1:16

Abo jotokoge uniyakʼ ona perecʼakʼ khon daya cetan daya bon ńam akada.

Jesaea 60:13

“Lebanon reakʼ mạhima do am ṭhen hijukʼa; ińakʼ sonotakʼ ṭhạ̃i sajao lạgitʼ saro dare, jhao dare ar tạsur darekoge ạgukʼa; ar iń do ińakʼ jaṅga reakʼ ṭhạ̃iyiń ṭhonok ocoytińạ.

Jobakʼ 33:27

Unre uni do manwa ṭhen hecʼkateye mena, ‘iń doń kạileda ar sojheakʼ doń peṛtaleda, menkhan ińakʼ paona sạjại do bạń ńamleda.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Jeheskel 17:23

Israel reakʼ usul buru cetanre ona khon ḍạrko oḍokokʼa ar jo bahakʼa; ar ona do mitʼṭecʼ napae okocʼ debdạru dare hoyokʼa. Joto lekan cẽṛẽko do ona reakʼ ḍạrre tukạko benaoa ar ona reakʼ umulreko tahena.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.