Hosea 13:15 - সান্তালী বাইবেল

¹⁵ Ephrayim do acʼren boehako talareye jo bahakʼre hõ enhõ Probhu Isor ṭhen khon purub reakʼ mitʼṭecʼ hoe do hahaṅkar khoniń rakapʼ ạguiya; ona reakʼ jharna dakʼ do baṅ tahena ar uniyakʼ kũńko hõ rohoṛ cabakʼtaea. Ar uniyakʼ khajańci reakʼ sanam damanakʼ jinisko do luṭ idikʼa.

Hosea 13:15 Referans Kwoze

Jeheskel 19:12

Menkhan Probhu Isor do edre onae or totʼketʼte otreye giḍikada. Puruạ reakʼ hoete ona do rohoṛena, ona reakʼ jo do goso ńurena; uniyakʼ keṭecʼ ḍạrko do rạputʼente rohoṛena, ar seṅgel do onae jomkeda.

Jeheskel 17:10

Uni do mońjteye rohoe lenrehõ jiwetʼ do bae tahena. Ar okaṭakʼ jumireye hara rakapʼlen onḍe uni do puruạ reakʼ hoe iạteye tolmocʼ utạrokʼa.’ ”

Jirimiạ 4:11

Unre Probhu Isor do onko hoṛ ar Jerusalemren koe metatʼkoa, “Hahaṅkar reakʼ ceḍe ḍuṅgriko khon lolo hoe do ińren hoṛko secʼ hijukʼkana, menkhan phosol oṭaṅ saphae lạgitʼ do baṅkana;

Genesis 49:22

“Joseph do jokote perecʼ dare kanae, dakʼ aṛere jo akan dare leka; uniyakʼ ḍạrko do pạcri cetante lawer akana.

Genesis 41:52

Ona tayom dosaricʼ hoponakʼ ńutum do Ephrayeme dohokeda (metakʼme “Joanakʼ ”) Uniye menkeda, “Oka disạmre iń do dukiń ńamketʼ ona disạmrege Isor doe jo baha ocoakadińạ.”

Nạhum 2:9

Uniyakʼ rupạ luṭtaepe, ar sona hõ luṭ joṅpe. Noako jinis do asambheṛgea; noako do uniyakʼ murạiko reakʼ dhon kana.

Hosea 10:1

Israel doe alak balakokʼkan darkha nạ̃ṛĩ kana; onare do ḍher joge sapʼlena. Uni do joko tinạkʼ saṅge idiyentae unạkʼge pinḍko hõe ḍherkeda; ar disạm hõ tinạkʼ sahre idiyentae unạkʼge uni do mońj mońj boṅga khunṭikoe benaokeda.

Hosea 9:11

Ephrayimakʼ gorbo do cẽṛẽ lekage uḍạu calakʼtaea; unre gidrạwakʼ janam do baṅ hoyokʼa, celege bako bhạrti hoṛmokʼa ar onko do bạńjhiko hoyokʼa.

Hosea 4:19

Sạjại do hoe leka onkoe oṭaṅ idikoa; onkoakʼ samaṅokʼakʼ porob iạte onko doko lajao ocokʼa.”

Daniel 11:8

Uni do onkoren debotako, dul muṭhạn sanam boṅgako, rupạ ar sonako reakʼ damanakʼ jiniskoe luṭjoṅa ar Misorteye idiya. Ar thoṛa bochor lạgitʼ uni do utạrren raj upạrte jhãp emokʼe ikạ hataṛkakʼa.

Jirimiạ 51:36

Ona iạte Probhu Isore meneda, “E Jerusalem, iń doń am sejokʼa ar am huyạteń hala hạlikʼa; uniyakʼ jalapuri doń rohoṛtaea ar sanam bhumbuk koń ańjetʼ ocoytaea.

Jirimiạ 20:5

Iń do noa nagraha reakʼ sanam dhon-durib, metakʼme onkoakʼ khet baṛge reakʼ anajko ar sanam damanakʼ jinisko ar Jihudạ rapajkoakʼ sanam murạiko onkoren bạirikoakʼ tireń soprota. Onko do ona luṭkate Babelteko idiya.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 14:21

Onkoren hapṛamkoakʼ kại iạte onkoren hoponko gocʼko lạgitʼ mitʼṭecʼ jaega ṭhik dohoyme. Onko do disạm ạidạri lạgitʼ bako beretʼa; ar prithimi do akoakʼ nagrahakote bako pereja.”

Sereńko 109:13

Onkoren bõsko doko gocʼ ocokʼma; ar onkoren gidrạkoakʼ ńutum do mohor meṭaokʼma.

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Jobakʼ 18:16

Latarre uniyakʼ rehetʼko do rohoṛokʼkana ar cetanre uniyakʼ ḍạrko do gujukʼkana.

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

Genesis 41:6

Ar ona tayom do arhõ eae goṭecʼ copa copa geleyena. Onako do purub reakʼ hoete tolmocʼge tahẽkana.

Jesaea 27:8

Uni do bicạrkateye oḍok giḍi akadea, menkhan bạ̃ṛti sạjại do bae em akawadea; purub reakʼ hoe leka uni doe oṭaṅ idiakadea.

Jirimiạ 4:12

Ińakʼ hukumgete hijukʼkana ar ona hoe reakʼ daṛe do ḍhergea. Ar iń do nonkage onko upạrte ińakʼ bicạr iń jạhira.”

Jirimiạ 51:1

Probhu Isore Meneda, “Ńelpe, Leb-Kamae, metakʼme Babel ar uniren hoṛko upạrte mitʼṭecʼ jarkhaokʼ hoe iń rakapʼ ocoya.

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Genesis 41:23

Ar ona tayom do eae goṭecʼ copa copa geleyena. Ar onako do purub reakʼ hoete tolmocʼena.