Hosea 13:14 - সান্তালী বাইবেল

¹⁴ “Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Hosea 13:14 Referans Kwoze

Jesaea 25:8

Gujukʼ do jaejug lạgitʼe marao giḍikakʼa. Probhu Isor do sanamkoakʼ mẽtʼ dakʼe jodtakoa ar uniren hoṛkoakʼ henosta do goṭa dhạrti khone sạṅgiń giḍikakʼa. Probhu Isor do niạ kathageye meneda.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Jesaea 26:19

Menkhan amren gocʼakan hoṛ doko bańcaokʼa; onkoakʼ hoṛmo do jiwetʼ ruạṛokʼtakoa. Ape okoe do dhuṛirepe girobasokʼ kan, ape do dela ebhenokʼpe ar rạskạte andoṛpe. Setakʼ reakʼ sisir dakʼ cetʼleka dhạrtiye purṭhạ ocoyetʼ onkage am do gocʼko jiwiyem danakoa.

Sereńko 49:15

Menkhan patal puri reakʼ ti khon Isorge chaḍao reakʼ dam lekate ińe rukhiyạyińạ; uni do acʼ ṭhen khạṭigeye idiyińạ. (Sela)

Sereńko 30:3

E Probhu Isor, am do patal puri khonem rakapʼ ạgu akadińạ; ar amgem bańcao doho akadińạ jemon ona khạndṛuṅre pheḍokʼ alo lagaoạń.

Jobakʼ 33:24

enḍekhan uni cetanre dayakateye men, ‘Sheolte pheḍ calakʼ khon rukhiyạyem; iń do uni iạte chaḍao reakʼ damiń ńamakada.’

Romiko lạgitʼ Pạul Apostolakʼ ciṭhi 11:29

Isor okae dan ar okoeye hohowae ona babotre acʼakʼ mon do bae bodoltaea.

Sereńko 86:13

Iń lạgitʼ amakʼ asambheṛ dulạṛ reakʼ simạ do bạnukʼa; patal puri reakʼ latar utạr jaega khon am do ińakʼ jiwim rukhiyạ akatʼtińạ.

Sereńko 16:10

Ente patal purire do bam giḍiyińạ, ar amren sonoticʼakʼ hoṛmo hõ bam nosṭo ocoya.

1 Samuel 15:29

Okoe doe Israelkoren ṭhonokicʼ kan uni do eṛe katha bae roṛa se mon hõ bae bodoltaea. Uni do manwa doe baṅ kana, onate mone bodoltaea mente.”

Johan sodor 20:13

Ar okoe gocʼ hoṛko do jalapurireko tahẽkan, onko do jalapuriye idiketʼkoa. Ona chaḍa moron ar patalpurire okoe gocʼakan hoṛko tahẽkan, onko dokin em ruạṛkatʼkoa. Ar mimitʼko do akoakʼ kạmi lekako bicạr ocoyena.

1 Thessalonikikko 4:14

Jisui gocʼlena are jiwetʼ beretʼena mente bon pạtiạukʼkanre abo do noa hõ bon pạtiạukʼ kana, okoe Jisu tulucʼ kolom mitʼkateko gocʼ akan Isor do onko hõ Jisu sãoteye idikoa.

2 Korinthiko 5:4

Sạrige noa laṅga hoṛmore tahen jokhecʼ hamal bojha iạte lologe bon sahẽtʼeda; ar koṭokʼ do baṅ sanayetʼ bona bickom oyo ocokʼgebon khojkana jemon abonakʼ gujukʼakʼ hoṛmo do jaejug jiwetʼ hoṛmote pheraokʼ.

Romiko lạgitʼ Pạul Apostolakʼ ciṭhi 11:15

Isor do Jihudiko bae bạsutako khan ar onkoakʼ giḍi ocokʼ do dhạrtirenkoakʼ samgeakʼkan khan enḍekhan Jihudikoe ataṅlekore do cetʼ hoyokʼa? Ona do cetʼ gocʼko jionko ńamakatʼ leka do baṅa?

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Hosea 6:2

Thoṛa din tayom unige aboe bańcao bona, ar lahate lekae ạgu ruạṛ bona jemon uni samaṅre bon girobas daṛeakʼ.

Sereńko 71:20

Am do iń cetanre ạḍi kosṭo ar muhinem ạguakada, enhõ ińakʼ jiwi do arhõm jiwetʼ ruạṛtińạ; hasa latar khon rakapʼ ạguakatʼ leka am do arhõm rakapʼ ruạṛińa.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Philipiko lạgitʼ Pạul apostolakʼ ciṭhi 3:21

Uni do aboakʼ nijorte perecʼ hoṛmoe pherao tabona ar acʼakʼ ṭhonokanakʼ hoṛmo lekae hoeocoya. Ar oka daṛete jotowakʼko acʼakʼ gobolreye ạguiyetʼkan ona daṛetege uni do noae kạmiya.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniyakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, mahamạrite, ar dhạrtiren bir janwarko hotete hoṛkokin gocʼko.

Jirimiạ 20:16

Probhu Isor do daya baṅkate one sanam nagrahae maraoletʼ uni hoṛ do onka baṛeye hoyokʼma. Uni do setakʼ jokhecʼ guhere ańjomma ar tikin do lạṛhại reakʼ andoṛge;

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Jeheskel 37:9

Unre uni do ińe metadińạ, “Am do hoe ńutumte nạbi katha roṛme; E manwa hopon, noa nạbi katha roṛme, Probhu Isore menetʼkana, ‘E hoe, am do beṛhae secʼ khon hijukʼme ar noko gocʼ hoṛkore sahẽtʼ emokʼme jemonko jiwedokʼ.’ ”

Jobakʼ 41:22

Uniyakʼ tarenre do daṛe menakʼa; ar uni laha lahate do torasge enecʼ calakʼ kana.

Sereńko 49:16

Eṭakʼ hoṛe kisạ̃ṛ akana ńelte do alom botorokʼa, ar uniyakʼ gharońj reakʼ dhon sompotti ḍherlenre hõ alom botorokʼa;

Hosea 7:10

Israelakʼ bạḍại do uni upạrte gohae emetʼkana, menkhan noako hoykate hõ uni do acʼren Probhu Isor ṭhen bae ruạṛ hijukʼkana.