Hosea 12:4 - সান্তালী বাইবেল

⁴ Uni do Serma goḍet sãoteye lạṛhạilena ar uniye bhagaokedea; ar daya ńam lạgitʼ uni do rakʼ rakʼteye nehõrlena. Uni do Bethelre Probhu Isore ńamledea ar onḍe do Probhu Isor sãote kathaye roṛleda.

Hosea 12:4 Referans Kwoze

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Genesis 35:15

Isor okare uni sãoteye galmaraoletʼ Jakob do ona jaega reakʼ ńutum Bethele dohokeda.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

1 Thessalonikikko 4:17

Ona tayom do okoeko jiwetʼ ar sarecʼ menakʼ bon, abo hõ sermare Probhu Isor sãote ńapamokʼ lạgitʼ onko tulucʼ rimilre bon rakapʼ ocokʼa. Ar nonkate abo do jaejug hạbicʼ Probhu Isor sãote bon tahena.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Sereńko 66:6

Uni do jalapuriye rohoṛ ocoleda; ar onko do taṛamte gaḍako paromlena. Dela bon, abo do disạmre uni iạte bon rạskạkʼma.

Genesis 48:15

Ona tayom Uni do Joseph bhoradeteye menkeda, “Uni Isor, one ińren hapṛam Abraham ar Isahak do uniyakʼ sanaleka kin calakʼkan tahẽkan, unige ińakʼ jionre pạhil khon teheń hạbicʼ gupiyicʼ lekae ạyur ạguyedeń kana,

Genesis 32:29

Jakob do uniye metadea, “Nehõram kạnạń, amakʼ ńutum baṛe lạiyạńme?” Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.

Genesis 32:24

Onate Jakob do eskargeye tahẽyena. Unre mitʼṭecʼ hoṛ do hecʼkate ạuri aṅgakʼ hạbicʼ uni tulucʼe lạṛhạiyena.

Genesis 32:26

Unre uni hoṛe menkeda, “Aṅga hijukʼ kana, ńitokʼ do aṛakʼkạńme.” Jakobe menkeda, “Ạurim bhorạń hạbicʼ bạń aṛakʼmea.”

Genesis 25:26

Ona tayom Esauakʼ iḍi sapʼakatʼ uniren boehae janamena. Onate uniyakʼ ńutum do Jakob dohoyena (metakʼme “Iḍi sapʼakatʼ”). Nukinkin janamokʼre Isahakakʼ umer do turui gel bochor tahẽkana.

Genesis 32:25

Uni hoṛ do tinreye ńelkeda, Jakob bae bhagao daṛeae kana unre uni do Jakobakʼ ḍubhi jaṅe joṭetʼketʼtaea. Onate uniyakʼ bulu reakʼ jaṅ do ṭhik jaega khon ocokʼentaea.