Hosea 12:13 - সান্তালী বাইবেল

¹³ Probhu Isor do Misor khon Israel ạguiye lạgitʼ mitʼṭen nạbiye beoharledea; uni hotete uniye ńel todarot ledea.

Hosea 12:13 Referans Kwoze

Sereńko 77:20

Mose ar Aron hotete bhiḍi pal leka am do amren hoṛkom ạyurletʼkoa.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.

Exodus 14:19

Unre Isorren okoeṭakʼ goḍet do Israelko laha lahateye calakʼkan tahẽkan uni doe ạcurente onko tayom secʼe senena. Ar rimil khunṭi hõ onko samaṅ khon tayom secʼ ocokʼente Israelko ar misriko talare teṅgoyena. Onate misriko secʼ do ńutge ar Israelko secʼ do ńindạre hõ siń leka hoyena. Onkate misriko do goṭa ńindạ Israelko ṭhen bako hecʼsor daṛeada.

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Genesis 28:2

Am do Padan Aram disạmre am gogoren baba Bethuelakʼ oṛakʼte calakʼme. Ar onḍe tahẽkate am mamaren jãhãeṭakʼ kuṛige baplayem.

Genesis 29:20

Niạ tayom Jakob do Rahel lạgitʼ eae bochore kạmikeda. Jakob do Rahele dulạṛede tahẽkante unạkʼ bochor hõ thoṛa din lekae bujhạukeda.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.