Hosea 11:8 - সান্তালী বাইবেল

⁸ “E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Hosea 11:8 Referans Kwoze

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Hosea 6:4

Probhu Isore meneda, “E Ephrayim, am do cetʼ iń cekawama? E Jihudạ, am hõ cetʼ iń cekawama? Amakʼ pạtiạr do setakʼ reakʼ kuṛhạ leka, aṅga marsalokʼ reakʼ sisir leka oka do usạrate chanokʼkan.

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

2 Rapajko 13:23

Menkhan Probhu Isor do Abraham, Isahak ar Jakob lạgitʼ okaṭakʼ bondobose doholetʼ ona iạte uni do Israelko cetanre daya are mãyãkʼkan tahẽkante onkoe luturatʼkoa. Onate teheń hạbicʼ hõ marao giḍiko se apnar samaṅ khon sạṅgiń giḍikako do bae khojleda.

2 Samuel 24:16

Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

Bikʼcạrko 10:16

Inạ tayom onko talare tinạkʼ debotako tahẽkan onko jotoko ocokʼ giḍikatʼkoa ar Probhu Isor sewawaeko ehopʼena. Israelkoakʼ kosṭo ńelte Probhu Isor do monre duke ńamkeda.

Genesis 14:8

Noako ghoṭna tayom Sodom, Gomora, Adma, Seboyim ar Bela, metakʼme Soarren rajko do Elamren raj Kedarlaomer, Goyimren raj Tidạl, Sinạrren raj Amraphel ar Elasaren raj Ariok sãote lạṛhại lạgitʼ Sidim tapolre onkoren palṭonko jarwaketʼkoa. Ponea raj upạrte mõṛẽ goṭen raj do lạṛhại lạgitʼko sapṛaoena.

Johan sodor 18:18

Ar uni atar giḍikae reakʼ dhũạ ńelte onko do ãṭ aṛaṅteko menkeda, “Okaṭakʼ nagraha do noa maraṅ nagraha leka menakʼa?”

Johan sodor 11:8

Unkinren Probhu Isor oka nagrahareye kurus ocolen ona maraṅ nagraha reakʼ horre unkinakʼ mạ̃ṛĩ do giḍi akan tahena. Ona nagraha reakʼ asol ńutum do Sodom ar Misor baṅkanre hõ, enhõ mitʼ lekangete ona nagraha do Sodom ar Misorko metakʼa.

Amos 7:6

Unre Probhu Isor do ona ńutumte kastaoenteye menkeda, “Onka do ar baṅ hoyokʼa.”

Amos 7:3

Unre Probhu Isor do mone ạcurketʼteye menkeda, “Onka do ar baṅ hoyokʼa.”

Rak̕joṅ 3:33

ente acʼakʼ kusi monte manwa do bae haraonkoa ar bae dukkoa.

Jirimiạ 9:7

Ona iạte phạdkoren Probhu Isore meneda, “Ńelpe, onko doń galaokoa ariń biḍạu aṭkarkoa, ente ińren hoṛko onka akatʼ iạte ar cetʼ iń ceka daṛeakʼa?

Jirimiạ 3:12

Am do senkate utạr secʼ samaṅkate noako sombat lại jạhirme: ‘iń Probhu Isorgeń meneda, E bạṛicʼ horte ghańjeṛ akan Israel, dela ruạṛ hijukʼme. Kurkunḍucʼkate am secʼ beṅgetʼ akae do bạń tahena; ente iń doń dayawạnicʼ kana, onate jaejug hạbicʼ edre akan do bạń tahena.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

1 Rapajko 3:26

Ado okoeren gidrạ jiwetʼgeye tahẽkan uni do gidrạ lạgitʼ mon khad badaoentaete raje metadea, “E ińren mạlik, nehõram kạnạń, gidrạ do alogem gojea; unige emaeme baṛe.” Menkhan eṭakʼ maejiu doe menkeda, “Uni do ińren hõ baṅ ar amren hõ aloe hoyokʼma. Uni do talate paṛage hoyokʼa.”

Jesaea 16:11

Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.

Jirimiạ 42:10

‘disạmrepe tahẽlen khan doń benao rakapʼ pea, ar bạń rạputʼ giḍipea; iń doń rohoepea, ar bạń totʼ giḍikapea, ente ape cetanre oka muhiniń ạguakatʼ ona iạte iń do monre dukiń ńamakada.

Rak̕joṅ 3:32

Uni do duke emokʼrehõ enhõ uniyakʼ asambheṛ daya iạteye mãyãkʼgea,

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Hosea 7:1

Ińren hoṛkoakʼ dosa tinre ạcur ruạṛtakoń mena, ar tinre Israel bogeye reakʼ iń khoja, unrege Ephrayimakʼ kại do ńelokʼkantaea ar Samariạwakʼ do behokakʼko sodorokʼkana. Onko doko ekʼṛegea, oṛakʼre kombṛo doe bolokʼkana ar ḍạkuko do bahrereko luṭjoṅ kana;

Mikạ 5:3

Ona iạte uni do unhạbicʼe alae giḍikoa one tin hạbicʼ jakʼnamicʼ do bae janame. Ar unre acʼren boehakoren sarecʼko doko ruạṛa, Israel hoponko ṭhenge.

Dosar Biboron 29:22

“Nonkate noa disạm cetanre oka hạnko hijukʼ ar Probhu Isor okako rog bighin noa disạm cetanreye kol ona reaṅ aperen bõsko ar sạṅgiń disạm khon hijukʼkan bidisiạko hõ noako ńela.

2 Bõsbudạ 36:15

Israelkoren hapṛamkoren Probhu Isor do ghane ghane hoṛ kolkate onkoe sontoretʼko tahẽkana, ente uni do acʼren hoṛko ar acʼakʼ tahen oṛakʼ cetanre daya tahẽkantaea.

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”