Hosea 11:7 - সান্তালী বাইবেল

⁷ Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.

Hosea 11:7 Referans Kwoze

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Hosea 14:4

Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana.

Hosea 11:2

Mekhan Israel tinạkʼ iń hohowade unạkʼge uni do iń ṭhen khon sạṅgińteye ocokʼ calaoena. Uniren hoṛko do Bakʼal debota ṭhen janwar dãṛẽko samaṅketʼkoa ar boṅga murhutʼko ṭhen dhup jeretʼko ehopʼena.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.

Jirimiạ 3:11

Probhu Isor do iń metadińạ, “Bạṛicʼ horte sen akan Israel do bepạtiạricʼ Jihudạ khon hõ bạ̃ṛti dhorome udugokʼ kana.

Kạhtukko 14:14

Bepạtiạr hoṛ do akoakʼ beboharteko tirpitokʼkana, menkhan bhage hoṛko do apnarakʼ beboharte bạ̃ṛtiko tirpitokʼkana.

Sereńko 81:11

Menkhan ińren hoṛko do bako luturatʼtińạ; Israel do iń tabere tahen bae rebenlena.

Hosea 4:16

Israelko do keṭecʼ hoṭokʼan gại leka kanako. Onate ṭạnḍiren bhiḍi hoponko leka Probhu Isor do cekateye gupikoa?

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jesaea 26:10

Bedhorom hoṛko daya udukʼakore hõ onko do dhorom bako ceda; hokakʼ disạmre onko do dusṭạmiko kạmiya ar Probhu Isorakʼ mạhima hõ bako aṅgoca.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 7:25

Aperen hapṛamko Misor disạmko bạgiyatʼ tayom khon teheń hạbicʼ dinke din ape ṭhen ińren gutiko, metakʼme nạbikoń kolletʼkoa.

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.