Hosea 10:7 - সান্তালী বাইবেল

⁷ Dakʼ do cetʼ leka huḍiń ḍạrkoe ạtu idiyetʼ onkage Samariạ ar uniren raj doe ạtu idi ocokʼa.

Hosea 10:7 Referans Kwoze

Hosea 10:3

Unre onko do khạṭigeko mena, “Probhu Isor bale botorade tahẽkante aleren do cele rajge bạnukʼkotalea. Menkhan raje tahẽlenre hõ uni do ale lạgitʼ cetʼe cekakea?”

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Hosea 13:11

Onate iń do edrete mitʼṭen rajiń ematʼme tahẽkana ar raṅgaote uni doń uṭhạukedea.

Hosea 10:15

E Bethel, amre onkage hoyokʼa, ente amakʼ dusṭạmi do ḍhergetama. Aṅgalen khange Israelren raj do purạteye marao ocokʼa.

2 Rapajko 17:4

Menkhan Asurren raj doe baḍaekeda, Hosea do mitʼṭen badmas hoṛkanae mente, ente uni do Misorren raj So ṭhen goḍetkoe kolletʼkoa ar Asurren raj do jao bochor oka khajnae emaekan tahẽkan ona do ar bae emokʼkana. Ona iạte Salmaneser do Hoseae sapʼkedete hajotreye bhoraokedea.

2 Rapajko 15:30

Tayomte Usiạren hopon Jothamakʼ rajokʼ bargel bochorre Elaren hopon Hosea Remaliạren hopon Peka upạrteye soṛojontrokeda ar uniye gocʼkedete uniyakʼ jaegareye rajena.

2 Rapajko 1:3

Menkhan Probhu Isorren goḍet do Tisberen Eliại metadea, “Am do senkate Samariạren raje kol akatʼko hoṛko sãote ńapamkatem metakoa, ‘Israelre Isor do cetʼ bạnuiya, onate Ekronren debota Bakʼal-sebub ṭhen kulijoṅpe calakʼ kana?

1 Rapajko 21:1

Inạ tayom Jisriyelren Nabatakʼ darkha bagwan khạtirte mitʼṭecʼ ghoṭna hoyena. Niạ darkha bagwan do Jisriyelren Samariạ rajakʼ Ahabakʼ raj doṅgol aṛerege tahẽkana.

Hosea 10:8

Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”