Hosea 10:14 - সান্তালী বাইবেল

¹⁴ ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Hosea 10:14 Referans Kwoze

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Habakkuk 1:10

Onko do rapajkoko siṛog akokana ar subedarko doko landa dhutʼako kana. Gaṛ ńelteko landa joṅkana; ar pạcrite decʼ paromokʼ lạgitʼ dhiri reakʼ ḍhipiko benaoeda ar gaṛkoko dokholeda.

Nạhum 3:12

Amakʼ sanam gaṛko do bele jote perecʼ loa dare leka; jãhãege onae rukui uniyakʼ mocarege ona do ńurokʼa.

Nạhum 3:10

Enhõ uniren hoṛko do bondikate eṭakʼ disạmteko idi ocolena. Mitʼke mitʼ dobạṭiạkore uniren gidrạ doko tawakʼ gocʼ ocolena. Uniren manotan hoṛko do gulibãṭkate sikṛite tolkateko bondi idi ocolena.

Amos 9:5

Phạdkoren Probhu Isor do dhạrtiye joṭetʼ lekhan ona do le cabakʼa ar onare girobasokʼ kan sanamgeko homor halaṅa. Uniyakʼ joṭetʼte goṭa dhạrtige Misor reakʼ nil gaḍa dakʼ leka se rakabokʼa ar ona tayom do pheḍ calakʼa.

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?

Jirimiạ 48:41

Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 17:3

Ephrayimre do jãhãn gaṛge baṅ tahena ar Damesekre hõ rajosṭige baṅ tahena; Aramren sarecʼ jiwetʼ hoṛ do Israelko leka ṭhonok hoyokʼtakoa.” Noa do phạdkoren Probhu Isorakʼ katha kana.

2 Rapajko 18:33

Eṭakʼ jạtren jãhãn debota do cetʼ Asurren rajakʼ ti khon acʼakʼ disạme rukhiyạ daṛe akada?

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

Genesis 32:11

Nehõram kạnạń, ińren boeha Esauakʼ ti khon rukhiyạyińme. Enteń botorokʼ kana uni do hecʼkate aleye gocʼlea, gidrạ ar onkoren eṅgatko celege sarecʼ do bae doholeya.

Jirimiạ 13:14

Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

2 Rapajko 17:3

Asurren raj Salmaneser do Hosea akromone lạgitʼe rakapʼ hecʼena. Ar onate Hosea do Salmaneser taberen raje hoyena ar uni khajna emaye ehopʼena.

Hosea 10:15

E Bethel, amre onkage hoyokʼa, ente amakʼ dusṭạmi do ḍhergetama. Aṅgalen khange Israelren raj do purạteye marao ocokʼa.

Amos 3:14

Kại iạte oka hilokʼ Israeliń sạjạiye enhilokʼ do Bethel reakʼ pinḍko hõń rạputʼ giḍikakʼa; unre pinḍ reakʼ dereńko do otre rạputʼ ńurokʼa.

Mikạ 5:11

Amakʼ disạm reakʼ nagrahakoń maraoa ar amakʼ sanam gaṛkoń rạputʼ giḍikakʼa.