Hosea 10:10 - সান্তালী বাইবেল

¹⁰ Ińaakʼ kusi sana lekage onko doń sạjạikoa; onkoakʼ babar goṭecʼ kại iạte onko tolko lạgitʼ eṭakʼ jạtrenko onko upạrteń jarwakoa.

Hosea 10:10 Referans Kwoze

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Hosea 4:9

Hoṛko cetʼlekań sạjạiko onkage naekeko hõko sạjại ocokʼa; onkoakʼ colon iạte onko jotogeń sạjạikoa ar onkoakʼ kạmi lekate kuṛạiyiń emakoa.

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Hosea 8:10

Onko do eṭakʼ jạtrenko sãote ṭakateko gate akanre hõ iń do mitʼ domte jarwakateń sạjạikoa. Onko do disạm cakʼlaokoren rapajkoakʼ santao iạteko caba utạrokʼa.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Jeheskel 23:46

“Ente Probhu Isor do nonkae meneda; unkin upạrte phạdke phạd ạgukope ar mitʼṭecʼ botoranakʼ ar jarkharakʼge hoyocokinpe.

Jeheskel 23:9

“Ona iạte iń do uniren dulạṛiạkoakʼ tire, metakʼme okoeye gagojako kan tahẽkan onko Ạsurrenkoakʼ tireń soprotkadea.

Jeheskel 16:42

Ona tayom am cetanre ińakʼ edre ar mon reakʼ khĩs do thirokʼtińạ. Ariń thirokʼa, ar bạń edrekʼa.

Jeheskel 16:37

ona iạte amren onko sanam dulạṛiạkoń jarwakoa one okoeko tulucʼem rạskạ mitʼlen. One okoeyem dulạṛletʼko tahẽkan ar okoeyem hirkhạwako kan tahẽkan onko sanamkoń jarwakoa. Iń do beṛhae khon am upạrteń jarwakoa ar onko samaṅre amakʼ kicricʼ iń bhạnduṛtama jemon onko do amakʼ lajaoteakʼko ńel daṛeatam.

Jirimiạ 21:4

Israelren Probhu Isor do niạ kathae meneda, ‘Babelren raj ar okoe Babelrenko do pạcri bahreteko gherao esetʼ akatʼme onko upạrte lạṛhại lạgitʼ amakʼ tire okako khanḍa bhanḍa menakʼ onako doń ạcur ruạṛtapea ar nagraha talareń samṭao jarwaea.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Dosar Biboron 28:63

Ar okaṭakʼ rạskạte Probhu Isore bhạlại akatʼpe ar aperen hoṛkoakʼ lekhae saṅge ocoakatʼtape ona reakʼ rạskạtege uni doe marao caba utạrpea. Ar okaṭakʼ disạmpe dokhol lạgidokʼkan ona disạm khon rehetʼ sudhạpe totʼ giḍi ocokʼa.

Hosea 10:9

Probhu Isore meneda, “E Israel, Gibearem kạiletʼ khonge am dom kại ạguiyetʼkana, ar kạirege am dom tahẽyena. Lạṛhại do cetʼ Gibearen dusṭạmiren hoponko bae tiyokʼ daṛeakoa?

1 Rapajko 12:28

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”

Jobakʼ 39:10

Arãṛ reakʼ baberte nahel reakʼ gaḍarem tol daṛekea? Uni do am lạgitʼ cetʼ lodamreye caskea?

Hosea 4:19

Sạjại do hoe leka onkoe oṭaṅ idikoa; onkoakʼ samaṅokʼakʼ porob iạte onko doko lajao ocokʼa.”