Hagae 2:7 - সান্তালী বাইবেল

⁷ Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Hagae 2:7 Referans Kwoze

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

1 Rapajko 8:11

Ar ona rimil iạte naekeko do sewa kạmi bako kạmi daṛeada, ente Probhu Isorakʼ ṭhonokte oṛakʼ do perecʼ akan tahẽkana.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Luk 2:46

Ado pe din tayom unkin do mundilrekin ńamkedea. Uni do guruko talare duṛupʼkate onkoakʼ kathae ańjomkan ar onkoe kuliyetʼko tahẽkana.

Luk 2:27

Simon do sonot Jiu reakʼ uskurte enhilokʼ Jihudikoakʼ mundilteye hecʼena. Ar Moseyakʼ ạn lekate cetʼko cekae jạruṛa ona lạgitʼge Jisuren eṅgat-apat do bale Jisu onḍekin ạgukedea.

Jeheskel 21:27

Dhaṅdhaser, dhaṅdhaser! Iń do noa jotogeń dhaṅdhasera! Ar sạriyakʼ reakʼ ạidạri okoeyakʼ menakʼtae uni ạuriye ruạṛ hijukʼ hạbicʼ noako do ar baṅ tahena. Iń do unige noakoń emaea.

Jesaea 60:7

Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Genesis 22:18

Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”

Galathiko lạgitʼ Pạul Apostolakʼ ciṭhi 3:8

Sonot sostorre laharege olakan tahẽkana, biswạs iạtege Isor do boṅgan hoṛ jạtrenko dhorom menteye aṅgockoa. Abraham do noa kathage bhage sombat menteye baḍae ocolen tahẽkana, “Am hotetege sanam jạtrenko do bhorko ńama.”

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Luk 21:38

Ar sanam hoṛ uniyakʼ katha ańjomtae lạgitʼ setakʼ khonge mundilteko hijukʼkan tahẽkana.

Luk 19:47

Jisu do dinạm hilokʼ mundilre senkate cetʼakoe ehopʼena. Ar Maraṅ naekeko, sostor baḍaeko ar disạm hoṛkoren mukhiyạko do goje lạgitʼ ạtko ńam baṛayetʼ tahẽkana,

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

Luk 20:1

Mitʼ din Jisu do mundilre hoṛkoe cetʼakokan are porcarako kan tahẽkana.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Sereńko 85:9

Okoe uniko botoraekan sạrige uniyakʼ bańcao reakʼ okte onko ṭhen do hecʼ akana; onate uniyakʼ ṭhonok do aboakʼ disạmre girobasokʼa.

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 60:4

“Am do beṛhaete beṅgetʼ rakabme, onko sanamkoge mitʼ domte am ṭhenko hijukʼkana; amren hoponko do sạṅgiń khonko hijukʼkana ar amren hoponerako doko heo ạgu ocokʼkana.

Jeheskel 31:16

Gocʼ hoṛko sãote tinre Seolteń pheḍkadea unre uniyakʼ ńurokʼ reakʼ saḍete boṅgan hoṛ jạtrenko doko thar tharaoena. Unre Eden reakʼ sanam dareko, Lebanon reakʼ bachao akan ar soros soros dareko ar mońjte dakʼ ńam akawatʼ sanam dareko do ot reakʼ latar utạrakʼkore jiwi raṛecʼko ńamkeda.

Jeheskel 38:19

Iń do jaljalaokʼkan edreteń lại sodoretʼkana, ona jokhecʼ Israel disạmre ạḍi botor dhạrti laṛao hoyokʼa.

Jeheskel 44:4

Ona tayom uni manwa do utạr duạr reakʼ horte mundil oṛakʼ samaṅreye ạgukedińa. Ińiń ńelkeda Probhu Isorakʼ oṛakʼ do uniyakʼ ṭhonokte perecʼ akana; ar unre iń doń taberena.

Hagae 1:8

Ape do ńitokʼ burure decʼkate kaṭ ạguiype ar koejoṅ oṛakʼ benaope, jemoniń kusikʼ ar manotiń ńam.

1 Rapajko 8:10

Sonot utạrakʼ ṭhạ̃i khon naekekoko oḍok hecʼen sãote Probhu Isorakʼ oṛakʼ bhitri do rimilte perecʼena.