Hagae 2:5 - সান্তালী বাইবেল

⁵ Ape tinre Misor disạm khonpe oḍok hecʼlena unre ape ṭhen noageń gokʼleda, ar ińren Jiu do ńithõ ape talare menaea. Ape do alope botorokʼa.

Hagae 2:5 Referans Kwoze

Exodus 34:10

Khan Probhu Isor doe roṛ ruạṛkeda, “Iń do mitʼṭecʼ bondobos iń dohoakada. Amren sanam hoṛko samaṅre nonkan hahaṛawakʼkoń kạmiya ona do niạ lahare dhạrtiren cele jạtrenko samaṅre baṅ hoyakana. Ar okoe hoṛko samaṅrem girobasokʼkan onkoko ńela, iń Probhu Isor do ape lạgitʼ okań cekae lạgidokʼkan ona do manwakoakʼ monre botor ar bhuktigeye janam ocoya.

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.

Jesaea 41:13

ente iń kangeạń Probhu, amren Isor do: iń do amakʼ jojom tiyiń sapʼ akatʼtama ariń metamkana, alom botorokʼa; iń do amiń goṛowama.

Sakariạ 8:13

E Jihudạ ar Israel gharońjrenko, lahate jạt jạtren hoṛko do sarap lekate apeakʼ ńutumko ńumetʼ tahẽkana, menkhan ńitokʼ iń do apeń bańcaopea ar onko do apeakʼ ńutum bhor lekateko ńuma. Alope botorokʼa, bickom daṛeanko hoyokʼpe.

Sakariạ 8:15

Menkhan ńitokʼ do arhõ Jerusalem ar Jihudạ lạgitʼ bhạlạiyiń ạguiya menteń ṭhik doho akada. Ape do alope botorokʼa.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Mathae 28:5

Serma goḍet do maejiue metatʼkinạ, “Aloben botorokʼa, ente ińiń baḍaea, aben do kurus ocolen Jisu ben ńam baṛayede kana.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

Josuạ 8:1

Probhu Isor do Josuại metadea, “Alom botorokʼa ar alom hadosokʼa. Amren sanam lạṛhại phạdante am do Ae nagraha cetanre arhõ jhãp emme. Iń do Ae nagraharen raj, uniyakʼ nagraha ar disạm hõ amakʼ tireń jimạ akada.

Exodus 34:8

Niạ katha ańjomkate Mose do otre ombakʼkate sewawadeteye menkeda, “E Probhu Isor, ińre amakʼ daya menakʼ khan ale sãote dela calakʼme. Noko hoṛ doko keṭecʼ hoṭokʼan kanrehõ enhõ am do aleakʼ behokakʼ ar kạiko ikại taleme ar amren hoṛko mentege ataṅleme.”

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Exodus 19:6

Ińren hoṛko hotetege ińren naekekoakʼ rajosṭi do hoyokʼa ar noko jạtrenkoge iń ńutumteń begar akatʼko jạtrenko hoyokʼa. Noa katha do Israelkom baḍae ocokoa.”

Exodus 24:3

Mose do ruạṛkate Probhu Isorakʼ katha tinre hoṛko ṭhene lạikeda ar uniyakʼ sanam ạnkoe sodorkeda unre hoṛko do mitʼ domteko menkeda, “Probhu Isor cetʼ cetʼkoe menakatʼ ale do ona jotole manaoa.”

Exodus 24:8

Noa katha ańjomkate Mose do hoṛko cetanre mãyãm chiṭiạukateye menkeda, “Noa do ona bondobos reakʼ mãyãm kana, one oka do Probhu Isor ape lạgitʼ noako katha lekageye niṭ dohoakatʼ.”

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

1 Samuel 12:20

Samuele roṛ ruạṛkeda, “Alope botorokʼa. Apepe kại akatʼrehõ enhõ Probhu Isor ṭhen khon pharakokʼ baṅkate goṭa ontorte uni sewawaepe.