Hagae 2:23 - সান্তালী বাইবেল

²³ E Sealṭiel hopon ińren guti Serubabel, iń Probhu Isor do enhilokʼ ińakʼ chachap reakʼ mundạm lekań hoyocomea, ente iń do amiń bachao akatʼmea.’ Iń phạdkoren Probhu Isorge noa katha doń menetʼkana.”

Hagae 2:23 Referans Kwoze

Jesaea 43:10

Probhu Isor do Israelkoe metakokana, “Apege ińren goha ar ińren bachao akan golam kanape, ar ape jemonpe pạtiạukʼ arpe baḍae daṛeakʼ, iń kangeạń uni do. Iń lahate okoe Isor hõ bako sirjạu akana ar iń tayomte eṭakʼ cele Isor hõ bako tahena.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

1 Patras 2:4

Nonkan mitʼṭecʼ jiwetʼ dhiri menakʼa one okaṭakʼ do Isore bachao akawan ar one okaṭakʼ do uniyakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Mathae 12:18

Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Jesaea 49:16

Ńelme, ińakʼ ti talkare amakʼ ńutumiń ol dohoakatʼa; am beṛhaeteakʼ pạcriko do jaoge iń samaṅre menakʼa.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.