Hagae 2:17 - সান্তালী বাইবেল

¹⁷ Apeakʼ tite upcạuakʼ phosol do copate, jhãorate ar arelteń ńẽtʼletʼtapea menkhan enhõ iń secʼ do bape ruạṛlena.

Hagae 2:17 Referans Kwoze

Dosar Biboron 28:22

Probhu Isor do raj rogte, ruạkote, jaljalaokʼ ruạte, ṭan paṅgla ruạte, dakʼ ṭan ar phosol copakʼ ar jhãorãkʼ rogkoteye ńẽtʼpea; ar ạuripe marao cabakʼ hạbicʼe khudạu baṛapea.

Hagae 1:11

Khet baṛge, buru-ḍuṅgri, phosolko, nãwã darkha rasa, sunum ar otre okako omonokʼ ona cetanre ar manwa, janwar ar apeakʼ tite kạmiyakʼ sanamakʼko cetanre dakʼ alo emokʼ lạgitʼ iń hukumleda.”

Hagae 1:9

“Ape do ḍher phosol ńam lạgitʼpe aslena, menkhan thoṛagepe ńam akada. Ar oṛakʼte tinạkʼpe aderan tahẽkan ona doń oṭaṅ giḍi akatʼtapea. Cedakʼ iń onka akatʼtapea? Ińakʼ oṛakʼ lạgitʼge ona doń onka akada, ente ińakʼ oṛakʼ do dhaṅ dhaser akana, ar ape do apan ạpin oṛakʼ lạgitʼpe odoṛ dhopuṛ baṛaekana.

1 Rapajko 8:37

“Disạmre akal se mahamạri ńellenre, ar phosol jhãoralenre se gocʼlenre, ar phosolko pohokoko jom cabaetakore, ar bạiriko onkoakʼ nagrahako gherao esetʼletakore, ar jãhãlekan ruạ se muhinko hecʼ paṛao akore,

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Johan sodor 2:21

Loṭghuṭi khon mon ạcurtae lạgitʼ iń do ạtiń emade tahẽkana, menkhan uni do mon bae ạcurletʼtaea.

Amos 4:6

“Iń do arhõń menetʼkana, mimitʼ nagrahare reṅgecʼteń dohoketʼpea ar mimitʼ atorenko do piṭhạ reakʼ ṭonṭateń dohoketʼkoa; enhõ ape do iń ṭhen bape ruạṛlena.

Jirimiạ 3:24

Aboakʼ juạn jokhecʼ khonge aboren hapṛamkoakʼ khaṭaoteakʼ jo, metakʼme onkoren gại-ḍaṅgra, bhiḍi merom palko ar onkoren hopon ar hoponerako do onko lajao ocokʼkan debotageko utʼ akatʼkoa.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jesaea 42:25

Onate uni do acʼakʼ jolokʼkan edre ar lạṛhại reakʼ botor do Israel cetanreye dulkeda. Onate seṅgel do beṛhaete jol rakapʼena, enhõ uni do bae bujhạuleda; seṅgel do uniyakʼ hoṛmore lagaoena, enhõ uni do bae moneyada.

Jesaea 37:27

Onḍenko hoṛ doko nijor akana ar ạḍi bạṛicʼko botor akana arko lajao akana. Onko do khet reakʼ ghãs leka, omon rakapʼ akan hạriạṛ cara leka, chad cetanre janam akan ghãs leka ạuri hara rakabokʼregeko tolmojokʼ kana.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Sereńko 78:46

Onkoakʼ aṛakʼ sakamko do tejokoe ematʼkoa ar onkoakʼ phosol do pohokoe ematʼkoa.

Jobakʼ 36:13

“Isor baṅ botorae hoṛ do raṅgaoko dohoyeda; uniye tolleko khan hõ goṛo ńam lạgitʼ do bako guhera.

2 Bõsbudạ 28:22

Ahas raj do niạ kosṭo oktere Probhu Isor cetanre artetʼgeye bepạtiạrena.

2 Bõsbudạ 6:28

“Disạmre akal se mahamạri ńellenre, ar phosol jhãoralenre se gocʼlenre, ar phosolko pohokoko jom maraoletakore, ar bạiriko onkoakʼ jãhã nagrahako gherao esetʼlekore, ar jãhãlekan ruạ se muhinko hecʼakore,

Genesis 42:27

Ado jirạukʼ reakʼ jaegareko seṭeren khan onko modren mitʼhoṛ do gadhako jomakʼ emako lạgitʼ acʼakʼ bostae raṛaketʼ khan uni do ṭakae ńel ńamkeda. Ente ṭaka do bosta mocarege tahẽkana.

Genesis 42:23

Joseph onkoakʼ kathae bujhạuketʼtako onko do ona bako bujhạu daṛeada, ente torjomayicʼ onko talareye tahẽkana.

Genesis 42:6

Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Sereńko 128:2

Am do apnar tite khaṭaoakʼ reakʼ jogeye joma ar sukem ńama ar bhạlại hoyokʼtama.

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Hagae 2:16

Jãhãege tinre bargel mon phosol ṭhiki ṭhene hijukʼkan tahẽkan uni do eken gel mone ńametʼ tahẽkana. Jãhãe mõṛẽgel liṭar darkha rasa hatao lạgitʼ darkha rasa reakʼ jala ṭhene hijukʼkan tahẽkan uni do eken bargel liṭar sunume ńametʼ tahẽkana.

Malaki 3:11

Iń do jojom ukʼjạṛkan tejokoń tạkicʼ daramkoa jemon apeakʼ phosol aloko jomtape; ona chaḍa apeakʼ ot baṛge reakʼ darkha jo hõ baṅ jhurokʼtapea.