Hagae 2:14 - সান্তালী বাইবেল

¹⁴ Unre Hagae doe metatʼkoa, “Probhu Isore meneda, ‘ṭhik onkage ińakʼ mẽtʼre noko hoṛko ar noko jạtren doko bhonḍgea. Ona iạte onko okako cekayetʼ ar jãhãnakʼgeko samaṅetʼkan ona do bhonḍgetakoa.

Hagae 2:14 Referans Kwoze

Titus lạgitʼ Pạul Apostolakʼ ciṭhi 1:15

Okoeyakʼ ontor napaege onko ṭhen do jotowakʼge napaegea, menkhan okoeyakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Jihudạwakʼ ciṭhi 1:23

Ar adomko do seṅgel khon ạtkir oḍokkate bańcaokope. Jel reakʼ sanate okoeyakʼ jion mạilạ akantako onkoakʼ besapha kicricʼko hõ hirkhạwakʼpe ar apnar sontor akae tahente onko mãyãwakope.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Kạhtukko 21:4

Bedhoromkoakʼ mẽtʼ do bạḍạite perecʼgea ar ontor do phulạugea; onkoakʼ diuhege kại kantakoa.

Hosea 9:4

Onko do Probhu Isor ńutumte darkha rasate coḍorakʼ samaṅokʼakʼ do bako samaṅa ar onkoren janwar samaṅokʼakʼte hõ uni do bako kusi ocodaṛeaea. Onkan samaṅokʼakʼ onko ṭhen do hokʼmor halaṅetʼkoakʼ jomakʼ lekage hoyokʼa; ar okoe onako jom onko sanamgeko bhonḍokʼa. Ona jomakʼ do akoakʼ lacʼ bikʼ lạgitʼge hoyokʼa, Probhu Isorakʼ oṛakʼte ona do baṅ ạgukʼa.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.