Hagae 2:12 - সান্তালী বাইবেল

¹² ‘Jãhãe hoṛ acʼakʼ kicricʼre sonotakʼ jele ghẽṭ idiy ar ona kicricʼre jãhãnakʼ piṭhạ, isinakʼ jomakʼ, darkha rasa, sunum se eṭakʼ jãhãn jomakʼre jakʼ tiyokʼlen khan ona do cetʼ sonotakʼ hoyokʼa?’ ” Naekeko do Hagae roṛ ruạṛadeteko metadea, “Baṅ, ona do baṅ sonotokʼa.”

Hagae 2:12 Referans Kwoze

Mathae 23:19

E kãṛãko, okaṭakʼ maraṅa? Ona dãṛẽ se pinḍ, one okaṭakʼ dãṛẽ do Isor lạgitʼ begar dohokʼkan?

Levitikus 6:27

Ar noa jel okoeye joṭed uni do Probhu Isor ńutumte begar dohokʼ hoyokʼtaea. Janwarakʼ mãyãmte kicricʼre daglen khan enḍekhan ona do sonot ṭhạ̃ire ạrupʼ saphae hoyokʼa.

Jeheskel 44:19

Onko do tinre bahre racare tahenkan hoṛko ṭhenko calakʼa unre sekʼwa kạmi reakʼ kicricʼ totʼkate sonot oṛakʼreko doho oṭokakʼa ar eṭakʼ kicricʼko horoga, jemon onkoakʼ kicricʼ reakʼ jakʼte hoṛko iń ńutumte aloko begarokʼ.

Levitikus 7:6

Naekeakʼ gharońjren sanam herel hoponge ona doko jom daṛeakʼa, menkhan sonot tạmbu reakʼ ṭhạ̃irege. Noa do sonot utạrakʼ jinis kana.

Levitikus 6:29

Ar naekeakʼ gharońjren sanam herel hopon do onako jom daṛeakʼa. Noa do sonot utạrakʼ jinis kana.

Exodus 29:37

Pinḍ sapha ocoy lạgitʼ eae din hạbicʼ din hilokʼ puruchun porob hotete ona do iń ńutumtem begar dohoya. Ar onate pinḍ do sonot utạrokʼa. Onare jãhãnakʼge jagokʼ ona do iń ńutumte begar dohokʼa.

Dosar Biboron 33:10

Onko do Jakob amakʼ bicạrko cetʼaea, ar Israel do amakʼ ạnge, onko do am samaṅre dhupko dohoya. Ar amakʼ pinḍre goṭa jeretʼ cabakʼ samaṅokʼakʼkoge.

Sosolhayic̕ 10:1

Gocʼ rõ do cetʼleka so sunum seageye so ocoy, onkage thoṛa bebujtetʼ do ạkil ar manote muchạu giḍiya.