Hagae 1:6 - সান্তালী বাইবেল

⁶ Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Hagae 1:6 Referans Kwoze

Hagae 1:9

“Ape do ḍher phosol ńam lạgitʼpe aslena, menkhan thoṛagepe ńam akada. Ar oṛakʼte tinạkʼpe aderan tahẽkan ona doń oṭaṅ giḍi akatʼtapea. Cedakʼ iń onka akatʼtapea? Ińakʼ oṛakʼ lạgitʼge ona doń onka akada, ente ińakʼ oṛakʼ do dhaṅ dhaser akana, ar ape do apan ạpin oṛakʼ lạgitʼpe odoṛ dhopuṛ baṛaekana.

Hosea 4:10

Onko doko jomgea menkhan bako tirpitokʼa; onko doko laṭghaṭa menkhan lekhare bako ḍherokʼa, ente onko do boṅgako iạte Probhu Isorko bạgi giḍi akadea.

Hagae 2:16

Jãhãege tinre bargel mon phosol ṭhiki ṭhene hijukʼkan tahẽkan uni do eken gel mone ńametʼ tahẽkana. Jãhãe mõṛẽgel liṭar darkha rasa hatao lạgitʼ darkha rasa reakʼ jala ṭhene hijukʼkan tahẽkan uni do eken bargel liṭar sunume ńametʼ tahẽkana.

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Jesaea 5:10

Pegel bighạ darkha bagwan khon eken bargel bar liṭar darkha rasa ńamokʼa, ar mitʼsae irạgel keji itạ khon eken gel irạl keji phosolge janamokʼa.”

Sakariạ 8:10

Ona kạmi ạuri ehopʼre manwako reakʼ kuṛạige baṅ tahẽkana ar janwarakʼ hõ bhaṛa bako em daṛeakʼkan tahẽkana. Bạiri iạte celege khạtirjoma bako dãṛãnkan tahẽkana ente ińge mimitʼko do ako aḍepaseren hoṛko upạrteń uskurletʼkoa.

Sakariạ 5:4

Phạdkoren Probhu Isore meneda, ‘iń do ona sarapiń kola ar ona do kombṛokoakʼ oṛakʼre ar okoe iń ńutumte eṛe eṛeko kiriạkʼkan onkoakʼ oṛakʼte senkateye bolokʼa ar onkoakʼ oṛakʼ reakʼ kaṭ ar dhiri sudhại jarkhartakoa.”

Jirimiạ 44:18

Menkhan tin khon sermaren rạni ńutumte dhup jered ar coḍorle bạgikeda, un khon ale do reṅgejokʼle ehopʼena ar lạṛhạite, akaltele marao idikʼ kana.”

Jirimiạ 14:4

Ot do paṛakʼ akana, ente disạmre dakʼge bae dakʼeda; cacasko hõko as chuṭạuente bohokʼre tiko capo akana.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Jobakʼ 20:28

Banbạsi do uniyakʼ oṛakʼ reakʼ jotowakʼe ạtu iditaea, Isorakʼ edre hilokʼ ona do purạteye buhel iditaea.

Jobakʼ 20:22

Ḍher tahentae okterehõ uni do kosṭoreye paṛaokʼa; duk do daṛe salakʼ uni cetanre hijukʼa.

1 Rapajko 17:12

Uni maejiue roṛ ruạṛkeda, “Amren jiwetʼ Probhu Isor ńutumte kiriạkateń meneda, iń ṭhen do mitʼṭecʼ piṭhạ hõ bạnukʼa. Hanḍhare eken mitʼ muṭ holoṅ ar cukạkʼre thoṛa sunum menakʼa. Iń do oṛakʼte idi lạgitʼ thoṛagan sahaniń halaṅeda; onate iń ar ińren hoponiń lạgitʼ thoṛa jomakʼ iń benaoa. Ar ona tayom do jom kateliń gujukʼa.”

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Levitikus 26:20

Unre ape do ạuṛiyakʼpe khaṭao gujukʼa. Unre apeakʼ jumikore jãhãn phosolge baṅ hoyokʼa, ar darekore hõ baṅ jokʼa.

Nehemiạ 5:2

Adomko doko menetʼ tahẽkana, “Ale ar aleren koṛa ar kuṛi hoponko do lekharele ḍhergea; jom-ńũkate jiwetʼ tahen lạgitʼ bạ̃ṛti anaj jạruṛalea.

Jirimiạ 12:13

Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Hagae 1:5

Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.

Hagae 1:7

Onate ape okalekape calakʼkan ona do mońjte hudiskate ńelpe.

Hagae 1:10

Ona iạtege serma do acʼakʼ sisir dakʼ ar jumi do phosol emokʼe bondleda.

Hagae 2:17

Apeakʼ tite upcạuakʼ phosol do copate, jhãorate ar arelteń ńẽtʼletʼtapea menkhan enhõ iń secʼ do bape ruạṛlena.

Dosar Biboron 28:17

“Apeakʼ phosol reakʼ khạclạkʼ ar holoṅ reakʼ ḍạlicʼ hõ sarapanakʼ hoyokʼtapea.

Kạhtukko 11:24

Okoe lahe caheye danetʼkan uni do arhõ bạ̃ṛti hoyokʼtaea; arhõ menakʼkoa okoe do hok reakʼ khon ḍherko dohoyetʼre hõ reṅgecʼreko paṛaokʼ kana.