Hagae 1:4 - সান্তালী বাইবেল

⁴ “Noa do cetʼ ṭhik hoyokʼkana, ape do noksa akatʼ oṛakʼrepe tahenkana ar ińakʼ oṛakʼ do dhaṅdhaserakʼ hoyakantińạ?

Hagae 1:4 Referans Kwoze

2 Samuel 7:2

Mitʼ do raj do Nathan nạbiye metadea, “Ńelme, iń do debdạru kaṭ reakʼ oṛakʼreń girobasokʼ kana menkhan Isorakʼ sinduk do tạmbure menakʼa.”

Philipiko lạgitʼ Pạul apostolakʼ ciṭhi 2:21

Ente eṭakʼ sanamkoge Jisu Mạsi reakʼakʼko ńam baṅkate apnar reakʼakʼgeko ńam bakʼṛakana.

Hagae 1:9

“Ape do ḍher phosol ńam lạgitʼpe aslena, menkhan thoṛagepe ńam akada. Ar oṛakʼte tinạkʼpe aderan tahẽkan ona doń oṭaṅ giḍi akatʼtapea. Cedakʼ iń onka akatʼtapea? Ińakʼ oṛakʼ lạgitʼge ona doń onka akada, ente ińakʼ oṛakʼ do dhaṅ dhaser akana, ar ape do apan ạpin oṛakʼ lạgitʼpe odoṛ dhopuṛ baṛaekana.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Rak̕joṅ 2:7

Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Jirimiạ 33:12

Noa potit jumi, okare manwa ar janwar celege bạnukʼko, onḍe ar onḍenakʼ sanam nagraha ar atoko do arhõ gukʼpiko ar bhiḍiko lạgitʼ ạtiń ṭạnḍige hoyokʼa.

Jirimiạ 33:10

“Ape do niạ ṭhạ̃i reaṅpe meneda, ‘noa do ujạṛ akana; nonḍe do manwa se janwar hõ bạnukʼkoa.’ Menkhan Jihudạ reakʼ okako nagraha ar Jerusalem reakʼ okako ḍahar do ujạṛge menakʼ, one okare manwa se janwar hõ bako tahenkan onḍe do arhõ rạskạ ar hulạs reakʼ aṛaṅ ańjomokʼa ar jãwãe koṛa ar bạhu kuṛiyakʼ aṛaṅ hõ ańjomokʼa; ar okoe Probhu Isorakʼ oṛakʼre gun manao reakʼ samaṅokʼakʼko ạgui onkoakʼ aṛaṅ hõ ańjomokʼtakoa. Onko doko mena, ‘phạdkoren Probhu Isor sarhaoepe, ente Probhu Isor doe bhagegea, ar uniyakʼ daya do jaejug hạbicʼ tahẽakae tahenkana.’ Iń do lahate lekage niạ disạm reakʼ dosań ạgu ruạṛa.

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Sereńko 102:14

Amren golamko do uniyakʼ dhiriko hạ̃sakʼ kana; ar ona reakʼ dhuṛi hõko mãyãwakʼ kana.

Sereńko 74:7

Amakʼ sonot ṭhạ̃ire onko do seṅgelko jonḍi akawada, amakʼ tahen reakʼ ṭhạ̃i hõ hasa sãoteko mesao akatʼte ona doko bhõnḍ akada.

Jirimiạ 22:14

Hae uni do, okoeye menetʼ, ‘iń lạgitʼ mitʼṭecʼ maraṅ okocʼ oṛakʼ iń benaoa ar cetan koṭhare do maraṅ maraṅ kandhakoń teara. Ar onare maraṅ maraṅ jalnakoń benaoa ar ona reakʼ toktako do debdạru reakʼ kaṭte ar arakʼ roṅteń sajaoa.’

Hagae 1:3

Unre nạbi Hagae hotete Probhu Isor do arhõe menkeda,

Hagae 1:5

Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.

Levitikus 19:25

Ar mõṛẽakʼ bochor khon ona dare reakʼ jo dope jom daṛeakʼa. Onate apeakʼ darekore do ḍher jo jokʼa. Iń kangeạń aperen Probhu Isor do.

2 Rapajko 5:26

Menkhan Elisae do uniye metadea, “Uni hoṛ do tinre am sãote ńapamokʼ lạgitʼ rãt gạḍi khone pheḍena unre ińakʼ mon do cetʼ am sãote baṅ senlentińạ? Ṭaka-poesa, kicricʼ khạnḍwạkʼ, jạitun bagwan, darkha bagwan, mĩhũ-meromko, bhiḍiko ar guti kạ̃ṛmĩko hataoko reakʼ okte do cetʼ ńitokʼ kangea?

Sosolhayic̕ 3:3

gujukʼ lạgitʼ okte ar bogekʼ lạgitʼ okte, rạputʼ giḍikakʼ lạgitʼ okte ar benao lạgitʼ okte,