Hagae 1:14 - সান্তালী বাইবেল

¹⁴ Inạ tayom Probhu Isor do Jihudạren disạm cakʼlaoicʼ Serubabelren, maraṅ naeke Josuạ ar sarecʼ sanam hoṛkoakʼ ontorre udgạuketʼtakoa. Onate onko do jotoge hecʼkate phạdkoren Probhu Isorakʼ oṛakʼ benao lạgitʼ kạmiko ehopʼkeda.

Hagae 1:14 Referans Kwoze

2 Bõsbudạ 36:22

Jirimiạ hotete roṛlen Probhu Isorakʼ katha purạukʼ lạgitʼ Parasren raj Koresakʼ rajokʼ pạhil bochorre Probhu Isor do Koresakʼ ontorre nonkan uskure danadea ona iạte uni do acʼakʼ sanam rajosṭire roṛte ar ol hotete noae lại sodorkeda:

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Hagae 2:21

“Am do Jihudạren disạm cakʼlaoicʼ Serubabel metaeme, ‘iń do serma ar ot iń daldalao ocoya.

Hagae 1:1

Darjawes rajakʼ rajokʼ dosar bochorre Sealṭielren hopon Serubabel do Jihudạren disạm cakʼlaoicʼe tahẽkana ar Jehosadokren hopon Josuạ do maraṅ naekeye tahẽkana. Ar inạ bochorge turui cando reakʼ pạhilakʼ dinre Probhu Isor do Hagae nạbi hotete onkoe metatʼkoa,

Esra 1:5

Noate Jihudạ ar Benjạminren bõs mukhiyạko, naekeko ar Liwiko talare okoekoakʼ ontorre Isor do monsubại janam ocoketʼtako onko mimitʼko do Jerusalemre Probhu Isorakʼ oṛakʼ benao lạgitʼko sapṛaoena.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

1 Bõsbudạ 5:26

Unre Israelren Isor do Asurren raj Pulakʼ, metakʼme Tiglot-Pileserakʼ monre edrey rakapʼ ocoketʼtaea. Uni do Rubenrenko, Gadrenko ar Manasi gusṭiren adha hoṛkoko bondi idiketʼkote Helho, Habor ar Hara elakare ar Gosen gaḍa aṛereye idiketʼkoa; ar teheń hạbicʼ hõ onko do onḍege menakʼkoa.

Hagae 2:2

“Am do Sealṭiel hopon Jihudạren disạm cakʼlaoicʼ Serubabel, Jehosadak hopon maraṅ naeke Josuạ ar sarecʼ sanam hoṛkom kulikoa,

Nehemiạ 4:6

Pạcri tinạkʼ usulokʼ ona reakʼ adha hạbicʼle gathao akada, ente hoṛko do akoakʼ goṭa monte niạko kạmi akada.

Esra 5:8

Maharaj baḍaekakʼme je, ale do Jihudạ reakʼ maraṅ Isorakʼ oṛakʼtele senlena. Onḍe hoṛko do lạṭu lạṭu dhirikote oṛakʼko benaoeda ar bhitkore do borgako bạisạueda. Ar ạḍi joton salakʼko kạmikana ar kạmiko do laha idikʼ kana.

Esra 5:2

Unre Sealṭiyelren hopon Serubabel ar Josadakren hopon Jesua do Jerusalemre Isorakʼ oṛakʼ arhõ benao aroekin ehopʼena. Ar Isorren nạbikin hõ onko sãote tahẽkate goṛoako kin ehopʼena.

2 Korinthiko 8:16

Ape lạgitʼ ińakʼ ontorre oka jid menakʼ, Isor do Titusakʼ ontorre hõ ona jidgeye emakatʼte Isoriń sarhaoedekana.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Hagae 1:12

Unre Sealṭiel hopon Serubabel, Jehosadek hopon maraṅ naeke Josuạ ar eṭakʼ sanam hoṛko do akoren Probhu Isorakʼ katha leka ar uniye kollede Hagae nạbiyakʼ katha lekako kạmikeda, ente onko do Probhu Isorko botorae kan tahẽkana.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Hagae 1:15

Ona kạmi do Darjawese rajokʼ dosar bochor reakʼ turuiyakʼ cando reakʼ bargel ponakʼ dinre ehopʼena.