Hagae 1:10 - সান্তালী বাইবেল

¹⁰ Ona iạtege serma do acʼakʼ sisir dakʼ ar jumi do phosol emokʼe bondleda.

Hagae 1:10 Referans Kwoze

1 Rapajko 8:35

“Am birudre amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar akoakʼ kại khonko ruạṛokʼ,

Levitikus 26:19

Iń do apeakʼ daṛe reakʼ bạḍạigeń rạputʼ giḍitapea. Ar apeakʼ bohokʼ cetan reakʼ rimil do mẽṛhẽtʼ leka ar jaṅga latar reakʼ ot do pitạl lekań keṭecʼ ocoya.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Hosea 2:9

“Onate ińakʼ phosol belelen khan ar ińakʼ nãwã darkha rasa hoylen khan ona doń hatao ruạṛa. Ar okaṭakʼte uniyakʼ uluṅtetʼe dapal esetʼkakʼ kan tahẽkan ona ińakʼ bhiḍi upʼ ar musnạ jạ̃ṛĩ sutạm hõń ạguiytińạ.

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.