Hagae 1:1 - সান্তালী বাইবেল

¹ Darjawes rajakʼ rajokʼ dosar bochorre Sealṭielren hopon Serubabel do Jihudạren disạm cakʼlaoicʼe tahẽkana ar Jehosadokren hopon Josuạ do maraṅ naekeye tahẽkana. Ar inạ bochorge turui cando reakʼ pạhilakʼ dinre Probhu Isor do Hagae nạbi hotete onkoe metatʼkoa,

Hagae 1:1 Referans Kwoze

Esra 2:2

Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Ar okoe Israel herel hoponko ruạṛ hecʼlen onkoakʼ lekha do nonka leka tahẽkana:

Esra 3:8

Jerusalemre Isorakʼ oṛakʼre seṭeren tayom dosar bochor reakʼ dosar candore Solṭiạlren hopon Serubabel, Josadakren hopon Jesua ar onkoren sarecʼ boehako do kạmiko ehopʼkeda. Noko boehako doko hoyokʼkana naekeko, liwiko ar eṭakʼ sanam hoṛko okoe do bondi dosa khon Jerusalemteko ruạṛ hecʼlen tahẽkan. Bargel bochor ar ona khon ḍher umerren liwiko do Probhu Isorakʼ oṛakʼ benao reakʼ ńel todarotreko bahal ocoyena.

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Hagae 2:10

Darjawesakʼ rajokʼ dosarakʼ bochor reakʼ areakʼ cando reakʼ bargel ponakʼ dinre Probhu Isor do Hagae nạbiye metadea,

Hagae 1:12

Unre Sealṭiel hopon Serubabel, Jehosadek hopon maraṅ naeke Josuạ ar eṭakʼ sanam hoṛko do akoren Probhu Isorakʼ katha leka ar uniye kollede Hagae nạbiyakʼ katha lekako kạmikeda, ente onko do Probhu Isorko botorae kan tahẽkana.

Nehemiạ 7:7

Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Israelkoren okoeko herel hoponko ruạṛ hecʼlen onkoakʼ lekha do nonka leka tahẽkana:

Hagae 1:14

Inạ tayom Probhu Isor do Jihudạren disạm cakʼlaoicʼ Serubabelren, maraṅ naeke Josuạ ar sarecʼ sanam hoṛkoakʼ ontorre udgạuketʼtakoa. Onate onko do jotoge hecʼkate phạdkoren Probhu Isorakʼ oṛakʼ benao lạgitʼ kạmiko ehopʼkeda.

Esra 6:14

Hagai nạbi ar Eddor hopon Sakariạ do Isorakʼ katha lekate udgạukin emokʼkan tahẽkana ar ona são sãote Jihudiren murubbiko do gạthni reakʼ kạmiko laha idikeda. Israelkoren Isorakʼ hukum lekate ar Parasren raj Kores, Darjawes ar Artaksastokakʼ hukumte onko do mundil oṛakʼ reakʼ kạmiko sạtkeda.

Hagae 2:20

Inạ dinge Probhu Isor do Hagae arhõe metadea,

Hagae 2:4

Ona tayom am do onkom metakoa, Probhu Isore meneda, ‘E Serubabel, am do dil joṅme; E maraṅ naeke Josuạ, dil joṅme; E disạmren sanam hoṛko, apehõ dil joṅpe ar kạmipe; ente iń phạdkoren Probhu Isor do ape são sãotege minạńa.

Nehemiạ 12:10

Josuạren hopontetʼakʼ ńutum do Joyakin, Joyakinren hopon do Eliasib, ar Eliasibren hopon do Joyada;

Nehemiạ 12:1

Okoeko naeke ar liwiko do Sealṭiyelren hopon Serubabel ar Jesua sãote bondi dosa khonko ruạṛ hecʼlen onko doko hoyokʼkana: Naekeko modre Seraya, Jeremiạ, Esra,

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Nehemiạ 5:14

Artaksasto raje rajokʼ bargelakʼ bochorre iń do Jihudạ disạmren hoṛkoren disạm cakʼlaoyicʼ iń bahal ocolena, ar un khon uniyakʼ rajokʼ pegel bar bochor hạbicʼ, metakʼme ona gelbar bochor hạbicʼ iń se ińren boehako do disạm cakʼlaoyicʼakʼ bhejawakʼ jomakʼ do bale jomleda.

Esra 4:24

Nonkate Jerusalemre Isorakʼ oṛakʼ reakʼ kạmi do thirena; Parasren raj Darjawesakʼ rajokʼ dosar bochor hạbicʼ ona do thirge tahẽyena.

Esra 4:2

Unre onko bạiriko do Serubabel ar bõskoren mathako ṭhen hecʼkateko menkeda, “Mundil oṛakʼ benao kạmire ale hõ ape sãotele kạmiya, ente ale hõ aperen Isorakʼ sana leka calakʼle kurumuṭuyeda. Ạsurren raj Esarhadon do nonḍeye ạgu akatʼle tayom khon ale hõ Isor ńutumte janwarkole samaṅetʼkoa.”

Esra 2:63

Ar disạm cakʼlaoyicʼe hukumleda Urim ar Thumim beohar lạgitʼ naekeko ạuriko ńamokʼ hạbicʼ okoe hõ jemon ona sonot utạrakʼ jomakʼ aloko jomma.

1 Bõsbudạ 3:19

Podayren hopon dokin hoyokʼkana Serubabil ar Simiyi. Serubabilren hopon dokin hoyokʼkana Moslum ar Honaniạ. Ar unkinren miseratakʼ ńutum do tahẽkana Solomit.

1 Bõsbudạ 3:17

Bondi Jikoniaren hopon Solṭiel,

2 Rapajko 14:25

Israelren Probhu Isor do acʼren guti Gat-Hepherren Amitaeren hopon Jona nạbi hotete oka kathae roṛletʼ ona katha lekage Jerobiam do Hamat ṭoṭha khon Araba doreão hạbicʼ Israelkoakʼ disạm reakʼ lahateakʼ simạna do arhõ acʼakʼ dokholreye ạgukeda.

1 Rapajko 14:18

Probhu do acʼren guti Ạhiạ nạbi hotete oka kathae roṛletʼ onkage Israelren sanam hoṛ do hopontetʼ lạgitʼko homorkeda arko topakadea.

Luk 3:27

Joda do Johananren hopon, Johanan do Resaren hopon, Resa do Serubabelren hopon, Serubabel do Sealtielren hopon, Sealtiel do Neriren hopon;

Exodus 4:13

Moseye roṛ ruạṛkeda, “E Probhu Isor, ińiń nehõram kana, jãhãe hotete noa khobor baṛe kolme.”

1 Rapajko 10:15

Ona chaḍa bekʼpariko ar bạnij bepariko hõ sonako ạguiyetʼ tahẽkana.

Esra 5:1

Darjawes rajakʼ rajokʼ dosarakʼ bochorre Hagae nạbi ar Eddoren hopon Sakariạ nạbi do Israelkoren Isor ńutumte Jihudạ ar Jerusalemren Jihudiko ṭhen Isor emakʼ niạ katha lạlạikin ehopʼena.

Esra 5:3

Unre phurạt gaḍa pạchim aṛe reakʼ ṭoṭharen disạm cakʼlaoyicʼ Tatenai, Setharbosenai ar onḍenko maraṅ hudạren kạmiyạko do Jihudiko ṭhen senkateko menkeda, “Mundil oṛakʼ benao aroe reakʼ hukum do okoeye emakatʼpea?”

Esra 10:18

Okoe eṭakʼ jạtren kuṛiko baplaletʼko tahẽkan onkoakʼ tạlika do nonka leka: Naekeko modre Josadakʼ hopon Jesua ar uniren boehakoakʼ bõsrenko modre Makʼasia, Eliaser, Jarib ar Godlia.

Hagae 1:2

“Phạdkoren Probhu Isorgeń menetʼ kana, noko hoṛko meneda, ‘Probhu Isorakʼ oṛakʼ benao reakʼ okte do ńithõ ạuri seṭerokʼa.”

Hagae 1:3

Unre nạbi Hagae hotete Probhu Isor do arhõe menkeda,

Hagae 2:21

“Am do Jihudạren disạm cakʼlaoicʼ Serubabel metaeme, ‘iń do serma ar ot iń daldalao ocoya.

Malaki 1:8

Janwar samaṅokʼakʼ porob lạgitʼ ape do kãṛã janwarante tinrepe hijukʼkana unre ona do cetʼ apeakʼ behokakʼ do baṅkana? Ape do tinre leḍha ar ruạkʼkan janwarkote samaṅokʼakʼ porobpe porobokʼ kana, unre cetʼ ona do behokakʼ do baṅkana? Aperen disạm cakʼlaoko ṭhen onakope samaṅle khan uni do cetʼ apereye kusikokʼgea? Uni do cetʼ bae nihạ̃t giḍikepea? Iń phạdkoren Probhu Isorge apeń kuliyetʼpea.”

Hagae 1:15

Ona kạmi do Darjawese rajokʼ dosar bochor reakʼ turuiyakʼ cando reakʼ bargel ponakʼ dinre ehopʼena.

Sakariạ 1:1

Darjawese rajokʼ dosarakʼ bochor reakʼ irạlakʼ candore Probhu Isorakʼ katha do Sakariạ nạbi ṭhen sodorena. Sakariạ do Berekiạren hopone tahẽkana ar Berekiạ do Idoren hopone tahẽkana.

Sakariạ 3:1

Ona tayom uni serma goḍet do maraṅ naeke Josuạ samaṅre teṅgo akaniń ńelkedea ar dusiye lạgitʼ Soetan do uniyakʼ jojomsa aṛereye teṅgo akana.