Habakkuk 3:7 - সান্তালী বাইবেল

⁷ Kusanren hoṛ do nindhạn dosareń ńelketʼkoa, ar Midiạnren hoṛ doko thar tharaokʼkana.

Habakkuk 3:7 Referans Kwoze

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

Josuạ 2:10

Misor disạm khon oḍok hecʼen tayom Probhu Isor cetʼleka arakʼ doreão reakʼ dakʼ ape samaṅ khone ańjetʼ ocoletʼ ona hõle ańjomakada. Sihon ar Og ńutuman jordan gaḍa purub secʼren Amorikoren barea rajakʼ oka dosape hoyoco akatʼ tạkin ona hõle ańjom akatʼa.

Bikʼcạrko 8:12

Sebah ar Salmuna ńutuman Midiạnren unkin banar raj dokin dạṛkeda. Menkhan Gideon do unkine khudạu idiketʼkinteye sapʼketʼkinạ, ar onkoren goṭa lạṛhại phạdko do Gideon iạte ạḍi botor caṛhaoatʼkoa.

Jirimiạ 49:29

Hoṛko do onkoakʼ tạmbuko ar onkoren ạsul janwarkoko hatkoa ar onkoakʼ sanam jinisko, tạmbu reakʼ orwalko ar ũṭkoko idikoa. Ar hoṛko do ãṭ aṛaṅteko ańjomakoa, ‘torasge, beṛhaete torasge!’ ”

Exodus 2:15

Pharao noa kathae ańjomketʼ khan Mose goje lạgitʼe kurumuṭukeda. Menkhan Mose do Pharao ṭhen khone dạṛketʼte Midiạn disạmteye calaoena. Ar onḍe senkate uni do mitʼṭecʼ kuń aṛereye duṛupʼena.