Habakkuk 3:19 - সান্তালী বাইবেল

¹⁹ Probhu Isorge ińren daṛe do; uni do jel eṅgawakʼ jaṅga leka ińakʼ jaṅgae hoyocoketʼtińạ ar usul usul ṭhạ̃ite calakʼ reakʼ daṛegeye emạńkana. Sereń cakʼlaoko lạgitʼ tumạlakʼ. Ińakʼ hukum lekate taranakʼ bajnako sãote sereń hoyokʼa.

Habakkuk 3:19 Referans Kwoze

2 Samuel 22:34

Uni do posta-jel leka jaṅga reakʼ daṛeye emakawạdińa; ar sanam usul jaegakoreye teṅgo ocoakadińạ.

Sereńko 18:33

Uni do posta-jel leka jaṅga reakʼ daṛeye emakawạdińa; ar sanam usul jaegakoreye teṅgo ocoakadińa.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Dosar Biboron 32:13

“Uni do pirthimi reakʼ usul jaegareye decʼ sen ocokedea disạm reakʼ mitʼ buru khon eṭakʼ burute; ar ot baṛge reakʼ phosole jom ocokedea. Uni do dumur rasa hõe cepecʼadea buru khoṅkor khon ńamokʼakʼge, uni do cạṭạni dhiri khon jạitun sunum hõe emadea.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Jesaea 58:14

enḍekhan ape do ińregepe rạskạjoṅa ar dhạrti reakʼ sanam usulako cetanre ạidạriń emapea. Ona chaḍa aperen baba Jakobakʼ ạidạri hõń emapea. Iń Probhu Isorge niạ katha doń meneda.”

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Sereńko 18:1

E Probhu Isor, am kangeam ińakʼ daṛe, ar iń do amgeń dulạṛetʼmea.

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Sereńko 54:1

E Isor, amakʼ daṛete bańcaoińme; ar amakʼ maraṅ daṛete chinḍạukạtińme.

2 Samuel 2:18

Joab, Abisae ar Asahel ńutuman Seruaren pea hopon onḍeko tahẽkana. Asahel do birren jel leka murukteye dạṛ daṛeakʼkan tahẽkana.

Sereńko 18:32

Isorge ińakʼ ḍanḍare daṛeye imạńkana unige ińakʼ horkoe sạbit ocoyetʼtińạ.

Soros sereń 2:7

E Jerusalemren kuṛiko, Poṭretʼ jel ar posta eṅgako ńutumteń nehõrokʼ kana, dulạṛ do alope buskuyea ar alope ebhenea uniyakʼ okteko ạuri hoyokʼ hạbicʼ.

Sereńko 18:34

Uni khonge ińakʼ ti do lạṛhạiye cetʼakada, onate ińakʼ ti do pitạl reakʼ akʼe gakʼ daṛeakʼa.