Habakkuk 3:16 - সান্তালী বাইবেল

¹⁶ Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Habakkuk 3:16 Referans Kwoze

Jirimiạ 23:9

Noa tayom nạbiko babotre Probhu Isorakʼ katha ańjomkate iń do ontorreń rạputʼ gejer akana ar ińakʼ sanam jaṅko do lewe lewe akana. Probhu Isor ar uniyakʼ sonot katha iạte iń do bul hoṛ leka, darkha rasa ńũkate bul bhuteṛ hoṛ lekań hoyakana.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Daniel 10:8

Onate iń eskarge ona dorson do ńeńeliń ehopʼena. Ińre jãhãn daṛege baṅ tahẽlena, ińakʼ mẽtʼãhã do keklesetʼentińạ ar iń doń laṅga idiyena.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Luk 21:19

Ape do ṭarhao akaepe tahente sạri jionpe labjoṅa.

Jobakʼ 30:17

Ńindạ jokhecʼ ińakʼ jaṅkore ạḍi ãṭ hasoyedeń kana; ona togocʼ edeń haso do baṅge thirokʼ kana.

Jobakʼ 30:30

Ińakʼ harta do chaḍaokʼ ńurokʼkantińạ; ar jaṅ do lolote khạurạ akantińạ.

Kạhtukko 12:4

Bhage ar gun menakʼtae bạhu do jãwãetetʼ lạgitʼ mukuṭ kanae, menkhan okoeṭakʼ maejiu do lajao paṛaoakʼkoe kạmikan uni do acʼren jãwãeyakʼ sea jaṅ lekanae.

Kạhtukko 14:30

Nirại mon do hoṛmo mońje dohoya, menkhan hiskạ do hoṛmoe duk ocoya.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

Rak̕joṅ 1:13

Coṭ khon uni do ińakʼ jaṅkore seṅgelgeye kol akada. Ińakʼ jaṅga lạgitʼ uni do jhãmpae oḍao akada ar ạcur ruạṛokʼ lạgitʼe jormoṭ akadińạ. Uni do ińe eskar akadińạ, goṭa din nijorgeye dohoakadińạ.

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

Daniel 10:9

Ona tayom do uni hoṛakʼ kathań ańjom ńamkeda ar uniyakʼ katha ańjomtorage iń do otre acetge ombakʼ akaniń tahẽyena.