Habakkuk 3:14 - সান্তালী বাইবেল

¹⁴ Am do amakʼ ṭheṅgate uniren lạṛhại hoṛkoren matham sobokʼedea. One onko do chirchạtur cabale lạgitʼ hoe bharḍo lekako hijukʼkan, one onko nandanicʼ oko okote jome lekako rạskạkʼkan.

Habakkuk 3:14 Referans Kwoze

Sakariạ 9:14

Ona tayom Probhu Isor do acʼren hoṛko talareye sodorokʼa; uniyakʼ sar do bijli leka malkaokʼtaea. Probhu Isor do sakwae oroṅa ar dạkhin reakʼ birbão hoe lekae laha calakʼa;

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Sereńko 10:8

Uni do atokore danaṅreye tãṛãkʼ baṛaea, ar nisun jaegare miridos hoṛe khũneya ar nindhạnicʼ do danaṅ danaṅteye tạṅkhi edekana.

Sereńko 83:2

Ńelme, cetʼleka amren bạiri doko hạnḍrạukʼkana ar okoe amko hirkhạwam kan onko do bạḍạite bohokʼ rakapʼkateko teṅgo akana.

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”