Biblia Todo Logo
Bib sou entènèt

- Piblisite -




Habakkuk 2:8 - সান্তালী বাইবেল

8 Aema jạtren hoṛkoakʼ dhonem luṭ akatʼte onko jạtren sarecʼ hoṛ do amakʼ dhonko luṭtama. Ente am do manwakoakʼ mãyãmem joro ocoakada; ar disạm, nagraha ar onako talaren sanam hoṛkom santao akatʼkoa.

Gade chapit la Kopi




Habakkuk 2:8
33 Referans Kwoze  

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.


Lebanon cetanre oka santaoem calao akatʼ ona do purạtege amre hijukʼa ar onḍenko janwarem gocʼ akatʼkote ńitokʼ do janwarge amko botor ocomea. Am do manwakoakʼ mãyãmem joro ocoakada ar disạm, nagraha ar onḍenko sanam hoṛkom santao akatʼkoa.


Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.


Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”


Ar jãhãn jạtrenko Jerusalem upạrteko lạṛhại khan Probhu Isor do onko jạtrenko mahamạriteye ńẽtʼkoa. Onko do teṅgo akaeko tahenrege onkoakʼ hoṛmo reakʼ jel do seakʼtakoa ar onkoakʼ mẽtʼ do mẽtʼ ṭhuyạ̃kʼre tahenrege seakʼa ar alaṅ hõ mocarege seakʼtakoa.


Ar nirdạndiko tahenkan onko sanam jạtrenko cetanre ạḍitetʼ iń raṅgao akana, ente iń do tinre ińren hoṛko cetanre thoṛa ghạṛicʼ iń raṅgaolena unre onko jạtrenko do ińren hoṛkoakʼ dosa sãote arhõ bạṛicʼ dosako juṭucʼatʼko tahẽkana.


Am do ḍher jạtrenkom marao akatʼkote amakʼ gharońj cetanre lajaoem ạgu akada ar bańcaokʼ reakʼ ạidạri dom caba akada.


Serma, ot ar onako tala reakʼ sanamakʼge Babel iạteko hulạs rạskạkʼa, ente makʼraoko do utạr secʼ khon hecʼkate unire jhãpko ema. Iń Probhu Isorge noa katha doń meneda.


Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.


Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”


E Babel, am do ḍher dakʼ aṛerem thamgạḍi akana ar ḍher dhonem ạidạri akawana; amakʼ ses do seṭerakana, ar am kamanme reakʼ okte hõ seṭerakana.


Babel do ackageye ńũrena are rạputʼ dhaṅdhaserena. Uni lạgitʼ homor halaṅpe. Uniyakʼ haso lạgitʼ ran ạguiype; pasere pase uni doe boge ruạṛokʼa.


Uniren sanam sadomko, rãt gạḍiko ar bidisiạ lạṛhại phạdko upạrte hõ tarwaṛe menakʼgea; onko do maejiu lekako nijorokʼa. Uniyakʼ dhon duribko upạrte hõ tarwaṛe menakʼgea; onako do luṭ idikʼtaea.


Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.


“Menkhan okoe amko ses utạretʼme onko sanamgeko marao ocokʼa; amren sanam bạiri do bondi dosareko calakʼa. Ar okoe ame luṭ akatʼme uni hõe luṭ ocokʼa; okoe amakʼ jinisko recʼetʼme iń hõ onkoakʼ jiniskoń recʼ ocoytakoa. Hoṛ do amko metama, ‘nui kangeae uni sạṅgiń ocoakan Sion do one uniyakʼ khoj okoehõ bako hataoetʼkan,


Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.


Pohoko cetʼleka anajko nosṭo cabae, onkage E jarkharicʼ, apeakʼ jinisko hõ luṭokʼtapea. Pohoko cetʼ leka onareko don khadlekʼ onkage hoṛko hõko don khadlekʼa.


E Babelren hoponera, am dom ḍahao marao ocokʼa; am do cetʼleka ale cetanrem cekawakatʼ ar okoe amreye onkae uni doe bhạgangea!


“E dhinkiạko, ape do jotoge lạṛhại lạgitʼ Babel beṛhaete teṅgokʼpe. Uni secʼ sar tuńpe. Okaṭakʼ sar hõ alope mãyãwakʼa, ente uni do Probhu Isor birudreye kại akada.


Amakʼ ạḍi utạr beparikote jor julumtem perecʼena arem kạikeda, onate Isorakʼ buru khoniń lagaketʼmea, ar E horhoyicʼ Kerub, am do seṅgel reakʼ dhiriko tala khoniń laga ńirketʼmea.


Onko do sahan jogaṛ lạgitʼ ṭạnḍi khon se bir-gajaṛ khon ạgu baṅ lagao akoa, ente sahan bodolte khanḍa bhanḍako jereda. Onko do luluṭkoakʼ jinisko luṭ joṅa; ar rerecʼkoakʼ jinisko recʼ ruạṛkoa. Iń Probhu Isorge noa katha doń menetʼkana.


Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”


“Sanam jạtrenko lạgitʼ Probhu Isorakʼ din do sor hecʼakana. Am cetʼkom ceka akatʼ onkage amre hõ hoyokʼa; amakʼ kạmi reakʼ jo do amakʼ bohokʼ cetanrege ruạṛ hijukʼa.


Ente Probhu Isor do mamblareye onko sejokʼa, ar okoe onkoakʼ jiniskoko recʼ ạguakatʼ uni do onkoakʼ jiwiye hataotakoa.


Swiv nou:

Piblisite


Piblisite