Habakkuk 2:5 - সান্তালী বাইবেল

⁵ Bạḍạite perecʼ Babel sãote darkha rasa doe bepạtiạr akada, uni doe andesale ocoyedekana. Uni do Seoulre leka lalocicʼ ar gujukʼicʼ leka tishõ bae tirpitokʼa; uni do sanam jạtrenko acʼ ṭhene jarwayetʼkoa ar bondikateye idiyetʼkoa.

Habakkuk 2:5 Referans Kwoze

Kạhtukko 27:20

Sheol ar Norok cetʼleka tishõ bakin tirpitokʼ, onkage manwawakʼ mẽtʼ hõ baṅ tirpitokʼa.

Kạhtukko 20:1

Okoe hoṛ darkha rasa ńũkateye bulokʼ uni doe landa dhudhutʼa, ar okoe bubulakʼe ńũi uni doe jhogṛakʼa; noako ńũkate okoeye bulokʼ uni do ạkilan hoṛ doe baṅkana.

Jesaea 21:5

Onko do jomakʼko sajaoeda, ar pạṭiạko beleda arko jom-ńũiyeda. E mukhiyạko, ma beretʼpe, apeakʼ ḍhalko sunumakʼtape.

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

Jesaea 5:8

Hae ape do, one okoe do oṛakʼ sãote oṛakʼ ar khet sãote khetpe toṅge idiyetʼkan; sesre eṭakʼko lạgitʼ jãhãn ṭhạ̃ige baṅ tahena, ar ape eskarge disạmrepe girobasokʼa.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Sosolhayic̕ 5:10

Okoe hoṛ ṭaka poesae dulạṛetʼkan uni do ṭaka poesate tisge bae bikʼa. Okoe hoṛ dhon duribe dulạṛetʼkan uni do acʼakʼ arjaoakʼte tisge bae tirpitokʼa. Noa hõ ạuṛiyakʼgea.

Sereńko 138:6

Probhu Isor do jotowakʼko cetanre menaere hõ enhõ uni do nindhạnkoe beṅgetʼakoa, menkhan bạḍạiko doe sạṅgiń khongeye baḍaekoa.

2 Rapajko 14:10

Edomren hoṛkom bhagao akatʼkote amakʼ mon do sạrige bạḍạite perecʼ akana. Ma ṭhonokokʼte dhirpurkokʼme, ar amakʼ oṛakʼrege tahenme. Cedakʼ muhin dom hoho ạgujoṅkana ar ona sãote Jihudạ reakʼ maraokʼ hõ?”

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

1 Thessalonikikko 4:11

Okaṭakʼle hukum akawatʼpe onka leka nindhạn jion khemaope, ar apnarakʼ kạmire jamaṛ akae tahente apnar tite mehnot reakʼ ahkaokʼpe,

Habakkuk 2:4

“Bạḍạite perecʼ Babel do dhoromicʼ doe baṅkana, menkhan okoe miridos menteye ataṅ ocokʼkan uni do acʼakʼ biswạs khạtirtege jiwetʼe tahena.

Jirimiạ 51:39

Onkoko jaljalaolenre iń do mitʼṭecʼ bhojiń teara. Ar onkoń bul ocokoa jemonko rạskạ daṛeakʼ, ar ona tayom do jaejug lạgitʼko jạpitʼjoṅa, ar tisge bako ebhenokʼa.

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Jesaea 5:14

Ona iạte patal puri do acʼakʼ nạnḍriye osar akatʼtaea, ar moca do maraṅ okocʼe cahapʼ akada. Ar manotanko ar disạm hoṛko, jhogṛakʼko, gulmaletʼ hoṛko jotoge onḍeko ńurokʼa.

Jesaea 14:6

Uni do kurkurạukʼ edrete jạt jạtrenkoe ńẽtʼetʼko tahẽkana, one baṅ thirokʼ ńẽtʼkotege. Uni do edrekate jạt jạtrenko cetanre mạlikiye calaoetʼ tahẽkana, ar santaokateye domonetʼko tahẽkana.

Habakkuk 1:15

Babelrenko do onkoren sanamkoge bạ̃ṛsiteko or rakapʼetʼkoa ar jhạliteko owar rakapʼetʼkoa, arko samṭao jarwayetʼkoa; ar onate onko doko rạskạkʼ kana, arko kusikʼkana.

Habakkuk 1:17

Onko do cetʼ ghane ghạṛicʼge akoakʼ jhạliko ạjạuṛiytakoa ar jạt jạtrenko bin mãyãteko gocʼ idikoa?