Habakkuk 2:3 - সান্তালী বাইবেল

³ Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Habakkuk 2:3 Referans Kwoze

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Jeheskel 12:25

Unre iń Probhu Isor okaṭakʼ iń roṛ onage purạukʼa, ar baṅ bilomokʼa. E huhulkan jạtrenko, iń okań roṛetʼ ona do apeakʼ okteregeń purạu ocoya. Iń Probhu Isorge noa katha doń meneda.’ ”

Sereńko 102:13

Am do Sion baṛe mãyãwakʼme ente uni dayawae reakʼ okte hoyakana, ar niṭ akatʼ somoe hõ seṭerakana.

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

Daniel 8:19

Uni doe menkeda, “Edre okte reakʼ mucạtʼ dinkore oka hoyokʼ ona do amiń lạiyam kana, ente dorson do hoyokʼkana mucạtʼ dinko reakʼ niṭ akatʼ okte reaṅ.

Galathiko lạgitʼ Pạul Apostolakʼ ciṭhi 4:2

Apattetʼ oka okteye niṭae unhạbicʼ uni do cakʼlaoko ar lonbonko tabere tahen hoyokʼtaea.

Luk 2:25

Unre Jerusalemre Simon ńutuman mitʼṭen dhorom ar Isor bhukti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Daniel 11:27

Ar nukin banar rajge bạṛicʼakʼ secʼkin mohnḍakʼa ar ṭebilre duṛupʼkate apan ạpin talare eṛe kathakin roṛa, menkhan onate bạkin jo bahakʼa, ente unkinakʼ jotowakʼ reakʼ mucạtʼ do niṭ akatʼ okterege hijukʼa.

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Jesaea 7:4

Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.

Jeheskel 30:9

“ ‘Enhilokʼ nicind tahen kạnicʼ Kus do botor udukʼae lạgitʼ sombat akʼsenko ińakʼ hukum lekate jahajteko oḍok calakʼa. Misor reakʼ ses dinre Kus hõe udạsokʼa, ente ona din do uni cetanre hõ hijukʼa.