Habakkuk 2:2 - সান্তালী বাইবেল

² Unre Probhu Isor do roṛ ruạṛạdińteye metadińạ, “Noa dorson reakʼ katha olme ar dhiri paṭa cetanre pusṭạute rokʼ caṛhaome jemon ona paṛhaoetʼkanicʼ doe algateye paṛhao daṛeakʼ.

Habakkuk 2:2 Referans Kwoze

Jesaea 30:8

Am do ńitokʼ mitʼṭecʼ dhiri paṭare ar mitʼṭecʼ puthire ol dohoyme, jemon darakan dinkore ona do Israelko lạgitʼ mitʼṭecʼ jaejug reakʼ goha leka tahen.

Johan sodor 14:13

Ona tayom iń do serma khon mitʼ hoṛ roroṛkaniń ańjomkedea, “Noa katha olme; ńit khon okoe do Probhu Isor tulucʼ kolom mitʼkateko gujukʼkan onko do bhạganko kanako.” Sonot Jiu do noa kathae meneda, “Hẽ, onko doko bhạgangea. Onkoakʼ mehnot khon onko do jirạuko ńama, ente onkoakʼ kạmi reakʼ kuṛại do ako soṅgere tahena.”

Dosar Biboron 31:22

Ar Mose do enhilokʼ ona sereń olkate Israelkoe cetʼatʼkoa.

Daniel 12:4

Menkhan am, Daniel do, mucạtʼ okte ạuri hijukʼ hạbicʼ noa nạbi katha reakʼ puthi bondkate ona reakʼ kathako chapkate dohokakʼme. Onako dinre ḍherkoge hanḍe nanḍeko calakʼa ar ạkil do baṛhaokʼtakoa.

Jesaea 8:1

Probhu Isor do ińe metadińạ, “Am do mitʼṭecʼ maraṅ okocʼ cạkti dhirire disạmren hoṛkoakʼ tite olakʼ leka niạ katha olme, Maher-Salal-Has-Bas (Mane do ‘Usạra luṭ reakʼ, ạḍi usạrage recʼ reakʼ’).

Dosar Biboron 27:8

Ar okako dhiripe cake rakab ona cetanre noa ạn-ạri reakʼ sanamakʼ kathako pusṭạutepe ol dohokakʼa.”

Dosar Biboron 31:19

“Ńitokʼ ape do noa sereń ol dohokakʼpe. Noa do Israelkope cetʼakoa ar onkope sereń ocokoa, jemon onko upạrte mitʼṭecʼ goha leka hoyokʼ.

Johan sodor 19:9

Ona tayom uni serma goḍet doe metadińạ, “Noa katha olme, Bheḍa Hoponakʼ bapla bhojre okoekoko neota ocoakan onko doko bhạgangea.” Uni do noa katha hõe menkeda, “Noako do Isorakʼ katha kana, ar ona do sạrigea.”

2 Korinthiko 3:12

Ale do nonkanakʼ as menakʼtalete sodortele roṛetʼkana.

1 Korinthiko 14:19

Menkhan manḍer talare eṭakʼ eṭakʼ pạrsite hajar hajar kathakoń roṛ khon eṭakʼko cetʼako lạgitʼ bickom ińakʼ bud khon mõṛẽ goṭecʼ kathageń roṛa.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

Jirimiạ 30:2

“Iń Israelren Probhu Isorgeń meneda, am okako kathań galmarao akatʼme ona joto do mitʼṭecʼ puthire ol dohoyme,

Daniel 7:1

Babelren raj Beltsasare rajokʼ pạhil bochorre Daniel do acʼakʼ aṭetʼreye giticʼakan tahẽkanre acʼakʼ bohokʼre hecʼen kukmũ ar dorsonkoe ńelkeda ar nokʼõe nonka onako reakʼ guṭtetʼe ol dohokeda. “Ńindạ jokhecʼ iń do dorsonteń ńelkeda, serma reakʼ ponea hoe do mitʼṭecʼ maraṅ jalapuriko uṭlạu rakapʼkeda.