Habakkuk 2:15 - সান্তালী বাইবেল

¹⁵ “Jạt jạtrenkoko mena, ‘Hae uni do, okoe do edrete acʼ aḍepaseren hoṛko bubulakʼteye ńũ bul ocoyetʼko jemon onkoakʼ lajaoakʼtetʼe ńel daṛeatako.’

Habakkuk 2:15 Referans Kwoze

Jirimiạ 51:7

Babel do Probhu Isorakʼ tire mitʼṭecʼ sona reakʼ bạṭi leka tahẽkana; uni do goṭa dhạrtiye ńũ bul ocoleda. Jạt jạtrenko do uniyakʼ darkha rasako ńũleda, onate ńithõ onko do koṅkage menakʼkoa.

Genesis 9:22

Kananren apat Ham do acʼ baba nonkae ńelkede khan uni do bahrete senkate acʼren banar boehae lạiyatʼkinạ.

Johan sodor 18:3

ente uni do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoakatʼkoa. Dhạrtiren rapajko do uni tulucʼko loṭghuṭi akada, ar dhạrtiren bạnij bepariko hõ uniyakʼ bin sambṛaokʼ reakʼ iricʼ cikijokʼ daṛeteko kisạ̃ṛ akana.”

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Johan sodor 17:2

Dhạrtiren rapajko do uni tulucʼko loṭghuṭileda, ar okoe doko noa dhạrtirenkan onko do uniyakʼ loṭghuṭi reakʼ darkha rasateko ńũ bul akan tahẽkana.”

Hosea 7:5

Rajakʼ porob hilokʼre kạmiyạko do darkha rasa reakʼ tạpisteko ruạ utạrlena ar raj do onko landa dhudhutʼkan hoṛko sãote tiye milạuketʼtaea.

Jirimiạ 25:15

Israelren Probhu Isor do ińe metadińạ, “Ińakʼ ti khon darkha rasa, metakʼme ińakʼ edrete perecʼ noa bạṭi hataome ar okoe jạtrenko ṭheniń kolme onko onam ńũ ocokoa.

2 Samuel 11:13

Ar Dạud do Uriại neotakedea ar acʼ sãoteye jom-ńũ ocokedete uniye bul ocokedea. Ar ạyupʼen khan Uriạ do rajren kạmiyạko talare acʼakʼ aṭetʼreye giticʼena, menkhan acʼakʼ oṛakʼte do bae senlena.

Exodus 32:25

Mose do hoṛko bhiṅgṛạu akana menteye ńelketʼkoa. Uni doe bujhạukeda Arongeye bhiṅgṛạu ocoakatʼkoa ar onate bạiri ṭhen cigạri ocokʼ lek ko hoyakana.

Jesaea 5:22

Hae, onko hoṛ do, okoe doe darkha rasa hoṅgorkoren guru ar bubulakʼ mesalakʼ kạmireko gạkhuṛge,

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Habakkuk 2:14

Jalapuri cetʼleka dakʼte perecʼ tahen onkage dhạrti hõ Probhu Isorakʼ ṭhonok reakʼ ạkilte perecʼge tahena.

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Jesaea 28:8

Onkoakʼ joto ṭebil do becʼte perecʼ akana; ar oka jaega hõ sapha do bạnukʼa.