Habakkuk 1:9 - সান্তালী বাইবেল

⁹ Onko do santao lạgitʼgeko hijukʼkana. Onkoren maraṅ phạdko doko laha hijukʼkana ar gitil leka alekha hoṛko bondi idikoa.

Habakkuk 1:9 Referans Kwoze

Romiko lạgitʼ Pạul Apostolakʼ ciṭhi 9:27

Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

Habakkuk 1:6

Iń do Babelrenkoń sapṛaoetʼkoa; onko do kurmutạha jạtren kanako, onko do eṭakʼkoakʼ disạm hatjoṅ lạgitʼ dhạrti reakʼ sanam ṭhạ̃iteko calakʼkana.

Hosea 13:15

Ephrayim do acʼren boehako talareye jo bahakʼre hõ enhõ Probhu Isor ṭhen khon purub reakʼ mitʼṭecʼ hoe do hahaṅkar khoniń rakapʼ ạguiya; ona reakʼ jharna dakʼ do baṅ tahena ar uniyakʼ kũńko hõ rohoṛ cabakʼtaea. Ar uniyakʼ khajańci reakʼ sanam damanakʼ jinisko do luṭ idikʼa.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jeheskel 19:12

Menkhan Probhu Isor do edre onae or totʼketʼte otreye giḍikada. Puruạ reakʼ hoete ona do rohoṛena, ona reakʼ jo do goso ńurena; uniyakʼ keṭecʼ ḍạrko do rạputʼente rohoṛena, ar seṅgel do onae jomkeda.

Jeheskel 17:10

Uni do mońjteye rohoe lenrehõ jiwetʼ do bae tahena. Ar okaṭakʼ jumireye hara rakapʼlen onḍe uni do puruạ reakʼ hoe iạteye tolmocʼ utạrokʼa.’ ”

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 15:8

Onkoren rạnḍi maejiukoakʼ lekha do gaṅgaren gitil lekań hoeocoya. Am do bir banṭa hoṛren eṅgat kanam, amren hoṛko upạrte tikin jokhecʼ mitʼṭecʼ nonosṭoyicʼ iń ạguiyea; ar onko cetanre ackage haso ar botoriń paṛao ocoya.

Jirimiạ 4:11

Unre Probhu Isor do onko hoṛ ar Jerusalemren koe metatʼkoa, “Hahaṅkar reakʼ ceḍe ḍuṅgriko khon lolo hoe do ińren hoṛko secʼ hijukʼkana, menkhan phosol oṭaṅ saphae lạgitʼ do baṅkana;

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jesaea 27:8

Uni do bicạrkateye oḍok giḍi akadea, menkhan bạ̃ṛti sạjại do bae em akawadea; purub reakʼ hoe leka uni doe oṭaṅ idiakadea.

Sereńko 139:18

Onakoń lekhale khan ona reakʼ lekha do gitilko khon hõ ḍherge hoyokʼa. Iń do tinreń ebhenokʼa unre am ṭhengeń tahenkana.

Jobakʼ 29:18

“Hudisetʼ tahẽkạnạń ińren hoṛko talaregeń gujukʼa, ińakʼ dinko do gitil leka saṅge hoyokʼtińạ;

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Genesis 41:49

Nonkate uni do jalapuri reakʼ gitil leka asambheṛ jomakʼe doho jarwakeda. Ar nunạkʼ ḍher phosol dohoyena je, ona do soṅ khon hõ ḍherge tahẽkana. Onate uni do ar bae soṅleda.

2 Rapajko 12:17

Onako dinre Aramren raj Hasael doe rakapʼ calaoente Gat upạrteye lạṛhạiyena ar onae hatkeda. Ona tayom Jerusalem akromon lạgitʼ uni doe laha idiyena.

Daniel 11:17

Uni do acʼakʼ goṭa rajosṭi reakʼ daṛe salakʼ onḍe hijukʼ lạgitʼe goṭaea ar dạkhinren raj sãoteye gatekʼa. Ar ona rajosṭi marao lạgitʼ uni do acʼren hoponera dạkhinren raj sãoteye baplayea, menkhan uniyakʼ goṭawakʼ do baṅ jo bahakʼtaea se jãhãn bhạlạige baṅ hoyokʼtaea.

Habakkuk 1:17

Onko do cetʼ ghane ghạṛicʼge akoakʼ jhạliko ạjạuṛiytakoa ar jạt jạtrenko bin mãyãteko gocʼ idikoa?